តេជោសែន និងរង្ស៊ី បើនិយាយឱ្យវាសច្ចធម៌ ជាបុគ្គល២នាក់ដែល«មិនត្រូវគ្នា»… ឬនិយាយឱ្យខ្លឺ គឺតាំងតែពីសម័យរាជរដ្ឋាភិបាលអាណត្តិទី១ម្ល៉េះ ។ កាលណោះលោករង្ស៊ី ជាសមាជិកបក្សហ្វ៊ុនស៊ិនប៉ិច ។ ក្រោយៗមកធ្វើមេបក្សជាតិខ្មែរ… មេបក្ស សម រង្ស៊ី បន្តមកមេបក្សសង្គ្រោះជាតិ
តេជោសែន និងរង្ស៊ី បើនិយាយឱ្យវាសច្ចធម៌ ជាបុគ្គល២នាក់ដែល«មិនត្រូវគ្នា»… ឬនិយាយឱ្យខ្លឺ គឺតាំងតែពីសម័យរាជរដ្ឋាភិបាលអាណត្តិទី១ម្ល៉េះ ។
កាលណោះលោករង្ស៊ី ជាសមាជិកបក្សហ្វ៊ុនស៊ិនប៉ិច ។ ក្រោយៗមកធ្វើមេបក្សជាតិខ្មែរ… មេបក្ស សម រង្ស៊ី បន្តមកមេបក្សសង្គ្រោះជាតិ ។
រឿងមាន «សែនអត់ស៊ី… មានស៊ីអត់សែន» ជាពាក្យ… ជាប្រយោគដែលលោក សម រង្ស៊ី បានបង្កើតឡើង… ឬជា «ស្ថាបនិក» នៃចំណងជើងនេះ មិនខុសពី «ទឹកនិងប្រេង» ឡើយ ។ ទឹកនិងប្រេង វាមិនដែលរលាយចូលគ្នាបានទេ… ។
ក្រុមអ្នកវិភាគបានមើលឃើញថា តេជោសែន និងរង្ស៊ី «ត្រូវគ្នា» បង្កើតបាននូវ «វប្បធម៌សន្ទនា» បានមួយ «ដង្ហើមចង្រិត» កន្លងមកនេះ… មិនមែនមានន័យថា «មានសែន មានស៊ី» ឡើងវិញទេ… ។
ទីបញ្ចប់ «មានសែន អត់ស៊ី… មានស៊ីអត់សែន» ផ្ទុះឡើងដូចគ្រាប់បរមាណូវិញដដែល… ដែល«ស៊ី»បានគាស់កកាយឡើងវិញ ។
អ្នកនយោបាយចាស់ទំខ្លះមើលឃើញថា «វប្បធម៌សន្ទនា» ដែលកើតមាន ប្រហែលដោយសារលោក សម រង្ស៊ី ចាត់ទុកតេជោសែនជាខ្លា… ។ ដើម្បីបានស្គាល់ខ្លាឱ្យកាន់តែច្បាស់… ទាល់តែចូលទៅក្នុង «រូងខ្លា»… ឬទៅកៀក «បូតពុកមាត់ខ្លាលេង»… ។ល។ បានចូលរូងខ្លា… ទើបដឹងថា កាចឬស្លូតកំរិតណា… ទីបំផុតសំពងគ្មានប្រណី… ធ្លាយចេញពាក្យ «មានសែន អត់ស៊ី… មានស៊ី អត់សែន» ឡើងវិញដូចដើមដដែល ។
ចាំមើលឆ្នាំ២០១៨… បើមាន «សែននៅតែអត់ស៊ី»… ហើយបើ «អត់ស៊ី នៅតែមានសែន» ដដែល ចៀសមិនរួចឡើយ ៕
អាឡេវ
ចែករំលែកព័តមាននេះ