ខេត្តបាត់ដំបង ៖ កាលពីថ្ងៃទី២១ សីហា ២០១៥ ក្រុមហ៊ុនរោងចក្រផលិតស្រាបៀរកម្ពុជា (CBL) បានរៀបចំប្រារព្ធសម្ពោធផលិតផលស្រាបៀរ ហ្គោលក្រោនស្តោត (Gold Crown Stout) នៅសណ្ឋាគារ ខេមរា បាត់ដំបង១ នៅក្នុងខេត្តបាត់ដំបង ដោយមានការចូលរួមពីអគ្គនាយក បុគ្គលិកក្រុមហ៊ុន រោងចក្រផលិតស្រាបៀរកម្ពុជា តំណាងដេប៉ូចែកចាយ និងអនុសាខា ហើយនឹងម្ចាស់ហាងលក់ភេសជ្ជៈ និងអ្នកសារព័ត៌មានយ៉ាងច្រើនកុះករ។
លោក Roland Bala អគ្គនាយកនៃក្រុមហ៊ុនរោងចក្រផលិតស្រាបៀរកម្ពុជា (CBL) មានប្រសាសន៍នៅក្នុងពិធីនេះថា នៅឆ្នាំ2015 ស្រាបៀរ ហ្គោលក្រោនស្តោត ត្រូវបានបន្ថែមទៅក្នុងបញ្ជីស្រឡាយផលិតផលស្រាបៀររបស់ក្រុមហ៊ុន ដើម្បីបំពេញតម្រូវការអតិថិជនដែលចូលចិត្តទទួលទានស្រាបៀរទឹកខ្មៅ មានគុណខ្ពស់ស្ដង់ដារអន្តរជាតិ។ ភាពជាសហគ្រិន ការបង្កើតថ្មីរបស់យើង និងការផ្តោតលើគុណភាព គឺជាអ្វីដែលជំរុញឲ្យយើងមានប្រៀបលើគូប្រជែង។ ស្រាបៀរ ហ្គោលក្រោនស្តោត គឺជាផលិតផលដែលមានលក្ខណៈច្នៃប្រឌិតថ្មី ការបង្ហាញពីភាតរភាព និងគុណភាពពីកេរដំណែលនៃម៉ាកល្បី។
ស្រាបៀរ ហ្គោលក្រោនស្តោត (Gold Crown Stout) គឺជាប្រភេទស្រាបៀរទឹកខ្មៅដែលផលិតឡើងពីការបញ្ជូលគ្នារវាងស្រូវសាលី ផ្កាហប់ និងគ្រឿងផ្សំពិសេសៗដែលមានគុណភាពខ្ពស់ផលិតតាមស្តង់ដាអន្តរជាតិ ។ ស្រាបៀរហ្គោលក្រោនស្តោត មានរសជាតិឆ្ងាញ់ មានក្លិនប្រហើរ និងងាយស្រួលពិសា។
ស្រាបៀរហ្គោលក្រោនស្តោត គឺសម្រាប់គ្រប់ឱកាស គ្រប់កម្មវិធី ហើយនឹងទទួលបានបទពិសោធន៍ថ្មី ព្រមទាំងរីករាយយ៉ាងពិតប្រាកដ ជាពិសេសស្រាបៀរហ្គោលក្រោនស្តោត ញ៉ាំងឲ្យកម្មវិធីពិធីជួបជុំពោរពេញដោយភាពស្និទ្ធស្នាល និងភាតរភាព។
ដេប៉ូចែកចាយស្រាបៀរហ្គោលក្រោនស្តោតមានទីតាំងនៅបណ្តាខេត្តនានា ដូចជា ខេត្តកណ្តាល កំពង់ឆ្នាំង កំពង់ស្ពឺ ពោធិ៍សាត់ បាត់ដំបង បន្ទាយមានជ័យ ប៉ៃលិន ឧត្តរមានជ័យ ព្រះសីហនុ កោះកុង កំពត កែប តាកែវ ត្បូងឃ្មុំ កំពង់ចាម ស្វាយរៀង ព្រៃវែង រតនគិរី មណ្ឌលគិរី ក្រចេះ ស្ទឹងត្រែង សៀមរាប ព្រះវិហារ និងខេត្ត កំពង់ធំ។
ចែករំលែកព័តមាននេះ