ស្ត្រីចិនម្នាក់មិនអាចធ្វើដំណើរទៅផ្ទះកើតដោយសារផឹកស្រាស្រវឹងដេកដួលនៅអាកាសយានដ្ឋានព្រោះស្តាយស្រាថ្លៃដែលទិញពីក្រៅប្រទេស ហើយច្បាប់ចិនហាមនាំចូលប្រទេស ។
ស្ត្រីចិនម្នាក់មិនអាចធ្វើដំណើរទៅផ្ទះកើតដោយសារផឹកស្រាស្រវឹងដេកដួលនៅអាកាសយានដ្ឋានព្រោះស្តាយស្រាថ្លៃដែលទិញពីក្រៅប្រទេស ហើយច្បាប់ចិនហាមនាំចូលប្រទេស ។
សារព័ត៌មានប៉េកាំងថែម ផ្សាយថា ស្ត្រីឈ្មោះចូវ អាយុ៤០ឆ្នាំ ត្រូវសមត្ថកិច្ចឱ្យផ្អាកការធ្វើដំណើរបណ្តោះអាសន្ននៅអាកាសយានដ្ឋានក្រុងប៉េកាំងកាលពីថ្ងៃទី២១ សីហា ២០១៥ ដោយសារស្រវឹងស្រាបាត់ស្មារតី ។ ស្ត្រីរូបនោះព្យាយាមផឹកស្រា «Cognac» មានតម្លៃខ្ពស់រហូតអស់មួយដបតែម្នាក់ឯង ។
ប៉ូលិសឱ្យដឹងថា អ្នកស្រីចូវដេកននៀលនៅលើដី និងស្រែកឥតឈប់នៅបរិវេណច្រកឡើងយន្តហោះក្នុងអាកាសយានដ្ឋានអន្តរជាតិប៉េកាំង ព្រោះតែស្រវឹងខ្លាំង ហើយត្រូវក្រុមជួួយសង្គ្រោះយករទេះជនពិការដឹកទៅបន្ទប់សម្រាក ។
កាពីទែនប្រចាំជើងហោះហើរឆ្ពោះទៅក្រុងវ៉ើនចូវ ខេត្តជឺជាំង ភាគខាងកើតប្រទេសចិន បានបដិសេធមិនឱ្យអ្នកស្រីចូវឡើងយន្តហោះ ព្រោះគាត់ធ្វើដំណើរតែម្នាក់ឯង និងបារម្ភថាអ្នកដំណើរដែលស្ថិតក្នុងអាការបែបនេះអាចប៉ះពាល់ដល់សុវត្ថិភាពនៅលើយន្តហោះ ។
ផ្នែកគយប្រចាំនៅអាកាសយានដ្ឋានពនិត្យឃើញដបស្រា «Rémy Martin XO Fxcellence» ចំណុះ៧០០មីល្លីលីត្រ មួយដប មានតម្លៃប្រហែល២០០ដុល្លារ នៅក្នុងកាបូបរបស់អ្នកស្រីចូវ ។ តាមច្បាប់របស់ចិនបានកំណត់ថាហាមអ្នកដំណើរយកវត្ថុរាវជាគ្រឿងស្រវឹងបរិមាណលើសពី១០០មីល្លីលីត្រជាប់តាមខ្លួន ឬស្ថិតក្នុងកាបូបពេលឡើងយន្តហោះ ។ ដោយសារតែស្តាយ និងបារម្ភខ្លាចស្រាតម្លៃខ្ពស់ដែលទិញពីអាកាសយានដ្ឋាននៅសហរដ្ឋអាមេរិក អ្នកស្រីចូវក៏សម្រេចចិត្តផឹករហូតអស់ពីដប ក្នុងអំឡុងពេលផ្ទេរយន្តហោះនៅក្នុងប្រទេស ។ ឥទ្ធិពលរបស់ស្រាធ្វើឱ្យអ្នកស្រីចូវស្រវឹងបាត់ស្មារតី និងបានស្វាងក្នុងរយៈពេលជាច្រើនម៉ោងក្រោយមក ។ អ្នកស្រីចូវបានថ្លែងគំណរគុណប៉ូលិសដែលបាននាំគាត់ទៅកន្លែងសម្រាកហើយបានទាក់ទងទៅក្រុមគ្រួសារឱ្យទៅទទួលយកគាត់ទៅផ្ទះ ៕
ចែករំលែកព័តមាននេះ