រថយន្តពីរគ្រឿងបុកគ្នារបួសធ្ងន់ម្នាក់តាមផ្លូវជាតិលេខ២
រាជធានីភ្នំពេញ ៖ រថយន្ត២គ្រឿងបុកគ្នាបណ្តាលឲ្យស្រុញមួយកំណាត់មុខធ្វើឲ្យអ្នកជិះក្នុងរថយន្តរងរបួសធ្ងន់ម្នាក់ កាលពីវេលាម៉ោង៩ និង៣០នាទីយប់
រាជធានីភ្នំពេញ ៖ រថយន្ត២គ្រឿងបុកគ្នាបណ្តាលឲ្យស្រុញមួយកំណាត់មុខធ្វើឲ្យអ្នកជិះក្នុងរថយន្តរងរបួសធ្ងន់ម្នាក់ កាលពីវេលាម៉ោង៩ និង៣០នាទីយប់ ថ្ងៃទី២៧ សីហា តាមផ្លូវជាតិលេខ២ ភូមិព្រែករទាំង សង្កាត់ព្រែកកំពឹស ខណ្ឌដង្កោ ។
ប្រភពព័ត៌មានបានឲ្យដឹងថា មុនពេលកើតហេតុបុរស២នាក់បានបើករថយន្តម៉ាកម៉ាស្តា ពណ៌ស ពាក់ស្លាកលេខ ភ្នំពេញ២AF៣១២១ ធ្វើដំណើរតាមផ្លូវជាតិលេខ២ ក្នុងទិសដៅពីលិចទៅកើត ក្នុងល្បឿនលឿន ចំណែករថយន្តដឹកជីម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ៣C១៤៨២ ជិះឆ្លងផ្លូវពីជើងទៅត្បូង ពេលមកដល់ចំណុចខាងលើ រថយន្តម៉ាស្តាបើកលឿនពេកចាប់ហ្វ្រាំងមិនទាន់ជ្រុលទៅបុកចំហៀងកង់ក្រោយផ្នែកខាងឆ្វេង បណ្តាលឲ្យរថយន្តម៉ាស្តាខ្ទេចមុខទាំងស្រុង ហើយអ្នកជិះក្នុងរថយន្តរងរបួសធ្ងន់ម្នាក់ ត្រូវបានដឹកតាមម៉ូតូទៅសង្គ្រោះនៅគ្លីនិកឯកជននៅក្រុងតាខ្មៅ ខេត្តកណ្តាល ចំណែកអ្នកបើករថយន្តដឹកជីមិនមានខូចខាត និងរងរបួសទេបានរត់ចោលរថយន្តនៅកន្លែងកើតហេតុ ។
ក្រោយពេលកើតហេតុរថយន្តទាំងពីរត្រូវបានសមត្ថកិច្ចយកទៅរក្សារទុកនៅអធិការដ្ធានខណ្ឌដង្កោ ដើម្បីធ្វើការដោះស្រាយ៕
ចែករំលែកព័តមាននេះ