រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា អ្នកដែលធ្វើដំណើរមកពីក្រៅប្រទេសហើយបានចាក់វ៉ាក់សាំងកូវីដ១៩ ហើយ នៅតែបន្តធ្វើចត្តាឡីស័ករយៈពេល១៤ថ្ងៃដដែល លុះត្រាតែមានការបញ្ជាក់ពីអង្គការសុខភាពពិភពលោក(WHO)…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា អ្នកដែលធ្វើដំណើរមកពីក្រៅប្រទេសហើយបានចាក់វ៉ាក់សាំងកូវីដ១៩ ហើយ នៅតែបន្តធ្វើចត្តាឡីស័ករយៈពេល១៤ថ្ងៃដដែល លុះត្រាតែមានការបញ្ជាក់ពីអង្គការសុខភាពពិភពលោក(WHO) ថា អនុញ្ញាតមិនឲ្យធ្វើ ។
ការបញ្ជាក់របស់ប្រមុខរាជរដ្ឋាភិបាលនេះ ខណៈដែលមានបងប្អូនមួយចំនួននៅក្រៅប្រទេសបានបង្ហាញចង្ងល់ថា តើគាត់ចាត់វ៉ាក់សាំងហើយ ត្រូវធ្វើចត្តាឡីស័កទៀតឬទេ នៅពេលមកដល់ប្រទេសកម្ពុជា ។
ថ្លែងក្នុងសន្នីសីទសារព័ត៌មាន នាព្រឹកថ្ងៃទី៤ ខែមីនា ឆ្នាំ២០២១ នៅមន្ទីរពេទ្យកាល់ម៉ែត្របន្ទាប់ពីចាក់វ៉ាក់សាំងអាស្ត្រាហ្សេនេកា របស់ឥណ្ឌា សម្តេចតេជោ ហ៊ុនសែននាយករដ្ឋមន្ត្រីបានថ្លែងថា អ្នកដំណើរដែលចាក់វ៉ាក់សាំងពីប្រទេសក្រៅមិនចាំចាក់នៅក្នុងប្រទេសកម្ពុជានោះទេ ។ ចំណែកការធ្វើចត្តាឡ័ក គឺជារឿងចាំបាច់លុះត្រាតែអង្គការសុខភាពពិភពលោកបញ្ជាក់ថា អ្នកដែលចាក់វ៉ាក់សាំងហើយ មិនចាំធ្វើចត្តាឡីស័កទើបកម្ពុជាបានអាចធ្វើតាមការផ្តល់មតិ ឬអនុសាសន៍ ឬការព្រមព្រៀងបែបណាមួយ ។
សម្តេចបន្តថា ៖«យើងមិនទាន់ដឹងពីប្រសិទ្ធិភាពរបស់វ៉ាក់សាំងដល់កម្រិតណា។ ប្រសិទ្ធភាពជារឿងមួយ ប៉ុន្តែរយៈពេលនៃប្រសិទ្ធិភាពវ៉ាក់សាំង តើដល់ពេលណា0x017d7 ហើយ តើមនុស្សប៉ុន្មានបានចាក់ ។ អីញ្ចឹងការធ្វើចត្តាឡីស័កត្រូវទុកពេលផ្នែកសុខាភិបាល ពិសេសនោះអង្គការសុខភាពពិភពលោកកំណត់អីញ្ចឹងការធ្វើចត្តាឡីស័កជារឿងសំខាន់» ។
ជាមួយគ្នានោះដែរ សម្តេចក៏បានអំពាវនាវដល់និស្សិតដែលត្រូវតែរៀន នៅប្រទេសចិនអញ្ជើញទៅចាក់វ៉ាក់សាំងស៊ីណូហ្វាមទាំងអស់គ្នា ។ សម្តេចបញ្ជាក់ថា ៖«និស្សិតខ្មែរដែលត្រូវទៅរៀនក្រៅប្រទេសត្រូវអាទិភាពក្នុងការទទួលបានវ៉ាក់សាំង ប៉ុន្តែត្រូវគិតវ៉ាក់សាំងមានពីប្រភេទ ។ ដូចជា វ៉ាក់សាំងអាស្ត្រាហ្សេនេកាប្រើរយៈពេល ពីមួយដូសទៅមួយដូសប្រើពេល៤សប្តាហ៍ទៅ១២សប្តាហ៍ ចំណែកវ៉ាក់សាំងស៊ូណូហ្វាម ប្រើពេលរយៈពេល១៤ថ្ងៃ» ។
សម្តេចបន្តថា ចំពោះនិស្សិតដែលត្រូវក្រៅប្រទេសអាចប្រើវ៉ាក់សាំងស៊ីណូហ្វាមបាន ប៉ុន្តែប្រើគោលការណ៍ស្ម័គ្រចិត្ត ។ សម្តេចបន្ថែមថា ការចាក់វ៉ាក់សាំងនេះ ដើម្បីឲ្យនិស្សិតមានការការពារខ្លួនពីជំងឺ ។ វ៉ាក់សាំងដែលកម្ពុជានឹងទទួលបាននោះអាចនឹងផ្តល់ជូននិស្សិតដែលនឹងចេញទៅក្រៅប្រទេសបានគ្រប់គ្រាន់ផងដែរ៕
ចែករំលែកព័តមាននេះ