ប្រេស៊ីល ៖ វីរបុរសបាល់ទាត់ប្រេស៊ីល Pele បានចាក់វ៉ាក់សាំងការពារកូវីដ១៩ ដូសទី១ រួចហើយនៅឯប្រទេសប្រេស៊ីលកាលពីថ្ងៃ២ ខែមីនា ឆ្នាំ២០២១ កន្លងទៅថ្មីៗនេះ។…
ប្រេស៊ីល ៖ វីរបុរសបាល់ទាត់ប្រេស៊ីល Pele បានចាក់វ៉ាក់សាំងការពារកូវីដ១៩ ដូសទី១ រួចហើយនៅឯប្រទេសប្រេស៊ីលកាលពីថ្ងៃ២ ខែមីនា ឆ្នាំ២០២១ កន្លងទៅថ្មីៗនេះ។
អតីតខ្សែប្រយុទ្ធឆ្នើមដែលជួយប្រេស៊ីលឈ្នះពានរង្វាន់ World Cup ៣លើកដែលឈានដល់វ័យ៨០ឆ្នាំរូបនេះ មិនបានប្រាប់ពីទីកន្លែងដែលគាត់ទទួលត្រូវបានការចាក់វ៉ាក់សាំងនោះទេ ប៉ុន្តែគ្រប់គ្នាគ្រាន់តែដឹងថាគាត់បានស្នាក់នៅផ្ទះរបស់គាត់ក្នុងតំបន់ Guaruja ខាងក្រៅទីក្រុង Sao Paulo ចាប់តាំងពីមានការរីករាលដាលជំងឺកូវីដ១៩កាលពីមួយឆ្នាំមុន។
ក្រោយទទួលបានការចាក់វ៉ាក់សាំងរួច លោក Pele បានបង្ហោះសារលើបណ្តាញសង្គមភ្ជាប់ជាមួយរួមលើកមេដៃយ៉ាងដូច្នេះថា «ថ្ងៃនេះគឺជាថ្ងៃដែលមិនអាចបំភ្លេចបាន ដែលខ្ញុំបានទទួលចាក់វ៉ាក់សាំង។ ជំងឺរាតត្បាតមិនទាន់ចប់នៅឡើយទេ។ យើងត្រូវតែរក្សាវិន័យដើម្បីការពារជីវិត រហូតដល់គ្រប់គ្នាបានចាក់វ៉ាក់សាំង។ សូមបន្តលាងដៃ និងស្នាក់នៅផ្ទះប្រសិនបើអាច។ នៅពេលអ្នកចេញទៅក្រៅកុំភ្លេចពាក់ម៉ាស និងរក្សាគម្លាតសង្គម»។
សូមជម្រាបជូនថា ប្រេស៊ីលគឺជាប្រទេសមួយក្នុងចំណោមប្រទេសរងផលប៉ះពាល់ខ្លាំងបំផុត ពីការឆ្លងរាតត្បាតនៃវីរុសកូវី១៩។ ដោយក្នុងនោះមនុស្សជាង ១០,៦លាននាក់បានឆ្លង និងជាង ២៥ម៉ឺននាក់បានស្លាប់៕ (ដកស្រង់ចេញពី ESPN)
ចែករំលែកព័តមាននេះ