រាជធានីភ្នំពេញ ៖ ក្នុងសម្លៀកបំពាក់ និងមួកពណ៌ខៀវស្រស់ឆើតឆាយ ជាមួយនឹងស្នាមញញឹមរាក់ទាក់ ដៃកាន់ទង់ដែលមានរចនាអក្សរ Note 5 បុរស-នារីប្រមាណ40នាក់កំពុងធ្វើដំណើរដោយម៉ូតូធំហែហមពីក្រោយឡាន Note 5
រាជធានីភ្នំពេញ ៖ ក្នុងសម្លៀកបំពាក់ និងមួកពណ៌ខៀវស្រស់ឆើតឆាយ ជាមួយនឹងស្នាមញញឹមរាក់ទាក់ ដៃកាន់ទង់ដែលមានរចនាអក្សរ Note 5 បុរស-នារីប្រមាណ40នាក់កំពុងធ្វើដំណើរដោយម៉ូតូធំហែហមពីក្រោយឡាន Note 5 យក្ស និងប៊ិក S Pen ដ៏ទាក់ទាញផ្អើល អ្នកដែលធ្វើដំណើរតាមដងផ្លូវនានានៅទីក្រុងភ្នំពេញ កាលពីថ្ងៃទី24 សីហា កន្លងមកនេះ។
ព្រឹត្តិការណ៍ដ៏កក្រើកនេះ បានកើតឡើងបន្ទាប់ពីបើកសម្ភោធទូរស័ព្ទដៃទំនើបចុងក្រោយបំផុត Samsung Galaxy Note 5 កាលពីថ្ងៃសៅរ៍នៅផ្សារទំនើបសូរិយា ។
លោកឆែ សុខឡេង ប្រធានផ្នែកផ្សព្វផ្សាយទីផ្សារនៃក្រុមហ៊ុនសាមសុងអេឡិចត្រូនិចបានមានប្រសាសន៍ថា ក្បួនដង្ហែនេះ ជាការអបអរសាទរការមកដល់នៃទូរស័ព្ទ Galaxy Note 5 មកកាន់ប្រទេសកម្ពុជា ក៏ដូចជាអបអរដល់ជោគជ័យធំមួយដល់ Galaxy Note ដែលជាប់ជាទូរស័ព្ទដែលមានប៊ិក និងពេញនិយមជាងគេបំផុតរបស់ពិភពលោក។
លោកបានថ្លែងថា «ដោយសារតែចំនួនអ្នកកក់ និងទិញ Galaxy Note 5 នៅថ្ងៃសម្ភោធច្រើនហួសពីការរំពឹងទុក គឺសឹងតែអស់ពីស្តុក ដូច្នេះវាគឺជាប្រវត្តិសាស្ត្រដ៏ជោគជ័យមួយសម្រាប់ក្រុមហ៊ុនសាមសុង»។
លោកសុខឡេង បានបន្ថែមថា «យើងមើលឃើញថា អតិថិជនភាគច្រើន ឬសឹងតែទាំងអស់ពេញចិត្តបំផុតទៅលើមុខងាររបស់ប៊ិក S Pen ហើយវាក៏ជាផ្នែកធំមួយ ដើម្បីជម្រុញការលក់នេះផងដែរ»។
Galaxy Note5 ជាទូរស័ព្ទស្មាតហ្វូនដែលមានកញ្ចក់ធំរាបស្មើ ងាយស្រួលក្នុងការសរសេរ និងមានរាងកោងងាយស្រួលកាន់ ដោយប្រើដៃតែម្ខាងពេលនិយាយទូរស័ព្ទ។ ជាមួយគ្នានេះផងដែរ ប៊ិក S Pen ដ៏ស្រស់ស្អាតថ្មីរចនាឡើង ដើម្បីផ្តល់នូវទំនុកចិត្តក្នុងការប្រើប្រាស់ជាមួយនឹងមុខងារកាន់តែច្រើនជាងមុន។
ព័ត៌មានបន្ថែម សូមមើលគេហទំព័រwww.samsung.comនិង global.samsungtomorrow.com៕
ចែករំលែកព័តមាននេះ