ខេត្តបន្ទាយមានជ័យ ៖ បេក្ខនារីម្នាក់បានដួលសន្លប់ពេលប្រឡងលើមុខវិជ្ជាគណិតវិទ្យា នៅថ្ងៃបញ្ចប់នៃការប្រឡងសញ្ញាបត្រមធ្យមសិក្សាទុតិយភូមិថ្ងៃទី២៥ សីហា ២០១៥នៅមណ្ឌលបឋមសិក្សាហ៊ុនសែនសូភី ក្រុងសិរីសោភ័ណ ។
បេក្ខនារីដែលដួលសន្លប់ឈ្មោះ ថត ណាវី អាយុ១៩ឆ្នាំ មកពីវិទ្យាល័យនិម្មិត រស់នៅភូមិនិមិ្មត សង្កាត់និមិ្មត ក្រុងប៉ោយប៉ែត ។
បេក្ខនារីរូបនេះ បាននិយាយថា មូលហេតុដែលបណ្តាលឱ្យនាងដួលសន្លប់នោះ ដោយសារតែនៅពេលយប់នាងខំប្រឹងមើលមេរៀនរហូតដល់យប់ជ្រៅ ហើយពេលប្រឡងនាងប្រឹងគិតខ្លាំងពេកក៏វិលមុខដួលសន្លប់តែម្តង ។
លោកគ្រូក្នុងថ្នាក់បានប្រាប់ថា នៅពេលបេក្ខនារីខាងលើដួលសន្លប់ក្នុងបន្ទប់ពេលកំពុងប្រឡងលើវិញ្ញាសាគណិតវិទ្យានោះ ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកក្រុងសិរីសោភ័ណ ។
ក្រោយពីបញ្ជូនដល់មន្ទីរពេទ្យ គ្រូពេទ្យបានឱ្យដឹងថា មូលហេតុដែលនាងដួលសន្លប់នោះ បណ្តាលមកពីនាងដេកបានមិនគ្រប់គ្រាន់ធ្វើឱ្យកម្លាំងចុះខ្សោយទៅជាដួលសន្លប់បែបនេះ ៕
ចែករំលែកព័តមាននេះ