AFP កាលពីពេល ថ្មីៗកន្លងមកផ្សាយថា ការរៀបចំណាត់ថ្នាក់ «ស្ថាប័នឧត្តមសិក្សាដ៏លេចធ្លោបំផុតនៅលើពិភពលោក» ប្រចាំឆ្នាំ ២០១៥ ដោយមជ្ឈមណ្ឌលមហាវិទ្យាល័យ សៀងហៃជៀវតុង របស់ចិន
AFP កាលពីពេល ថ្មីៗកន្លងមកផ្សាយថា ការរៀបចំណាត់ថ្នាក់ «ស្ថាប័នឧត្តមសិក្សាដ៏លេចធ្លោបំផុតនៅលើពិភពលោក» ប្រចាំឆ្នាំ ២០១៥ ដោយមជ្ឈមណ្ឌលមហាវិទ្យាល័យ សៀងហៃជៀវតុង របស់ចិន បានបង្ហាញថាមហាវិទ្យាល័យ Harvard ក្នុងទីក្រុងខេមប្រ៊ីដ រដ្ឋម៉ាសាឈូសេត សហរដ្ឋអាមេរិក ស្ថិតក្នុងចំណាត់ថ្នាក់ទី១ និងជាឆ្នាំទី១៣ ជាប់លំដាប់ថ្នាក់ទាំង១០ដំបូង ។
មហាវិទ្យាល័យក្នុងសហរដ្ឋអាមេរិក ស្ថិតក្នុងចំណាត់ថ្នាក់ទាំង១០ដំបូងចំនួន៨ និង២មហាវិទ្យាល័យទៀត ស្ថិតក្នុងចក្រភពអង់់គ្លេស ។
មហាវិទ្យាល័យ «Stanford» និង វិទ្យាស្ថានបច្ចេកវិទ្យាម៉ាសាឈូសេត ឬ MIT ស្ថិតនៅលំដាប់ថ្នាក់ទី២ និងទី៣ ខណៈពេលមហាវិទ្យាល័យ «California Berkeley» មហាវិទ្យាល័យ «Princeton» និងវិទ្យាស្ថានបច្ចេកវិទ្យាកាលីហ្វ៊័រនីញ៉ា ជាប់ក្នុងចំណាត់ថ្នាក់ទី៤, ៦និង៧ ។
ចំណែកមហាវិទ្យាល័យកូឡុំប៊ី និងមហាវិទ្យាល័យស៊ីកាហ្គោ ស្ថិតនៅលំដាប់ទី៨ និងទី៩ ដោយឧត្តមសិក្សាទាំងនោះសុទ្ធសឹងស្ថិតក្នុងសហរដ្ឋអាមេរិក ។ ចំណែកមហាវិទ្យាល័យខេមប្រ៊ីដ និងអុកហ្វត របស់អង់គ្លេស ជាប់លំដាប់ថ្នាក់ទី៥ និងទី១០ ។ ចំពោះលក្ខណៈខុសប្លែកគ្នាមានតែម្យ៉ាង គឺកាលពីឆ្នាំមុនមហាវិទ្យាល័យ «ស៊ីកាហ្គោ» និងមហាវិទ្យាល័យ «អុកហ្វត» ស្ថិតក្នុងលំដាប់ទី៩ដូចគ្នា ប៉ុន្តែក្នុងឆ្នាំនេះ ស៊ីកាហ្គោ ស្ថិតនៅលំដាប់ទី៩ ខណៈពេលអុកហ្វតធ្លាក់ទៅលំដាប់ទី១០ ៕
ចែករំលែកព័តមាននេះ