ក្រិកលក់អាកាសយានដ្ឋាន14ឱ្យក្រុមហ៊ុនឯកជន
រដ្ឋាភិបាលក្រិកក្រោមការដឹកនាំរបស់លោកនាយករដ្ឋមន្ត្រីអាឡិចស៊ីស ស៊ីប្រាស់ និងក្រុមអ្នកនយោបាយឆ្វេងនិយម(Syriza) បានដំណើរការកំណែទម្រង់សហគ្រាសក្នុងប្រទេសដោយយល់ស្របដល់គម្រោង
រដ្ឋាភិបាលក្រិកក្រោមការដឹកនាំរបស់លោកនាយករដ្ឋមន្ត្រីអាឡិចស៊ីស ស៊ីប្រាស់ និងក្រុមអ្នកនយោបាយឆ្វេងនិយម(Syriza) បានដំណើរការកំណែទម្រង់សហគ្រាសក្នុងប្រទេសដោយយល់ស្របដល់គម្រោង
រដ្ឋាភិបាលក្រិកក្រោមការដឹកនាំរបស់លោកនាយករដ្ឋមន្ត្រីអាឡិចស៊ីស ស៊ីប្រាស់ និងក្រុមអ្នកនយោបាយឆ្វេងនិយម(Syriza) បានដំណើរការកំណែទម្រង់សហគ្រាសក្នុងប្រទេសដោយយល់ស្របដល់គម្រោងការលក់អាកាសយានដ្ឋានចំនួន១៤នៅទូទាំងប្រទេសដល់ក្រុមហ៊ុនឯកជនពីអាល្លឺម៉ង់កាលពីថ្ងៃទី១៨ សីហា ២០១៥ ។
របាយការណ៍ពីក្រុងអាថែន បញ្ជាក់ថា រដ្ឋាភិបាលរបស់លោកអាឡិចស៊ីស ស៊ីប្រាស់ សម្រេចលក់អាកាសយានដ្ឋានចំនួន១៤នៅទូទាំងប្រទេសឱ្យក្រុមហ៊ុន «Fraportag» ពីអាល្លឺម៉ង់ ។ ទីភ្នាក់ងារព័ត៌មានក្នុងស្រុករបស់ក្រិកផ្សាយថា កិច្ចព្រមព្រៀងលក់អាកាសយានដ្ឋាននេះធ្វើឱ្យរដ្ឋាភិបាលក្រិកមានចំណូលច្រើនជាង១.២៣០លានអឺរ៉ូ ឬ១.៣៨២លានដុល្លារ និងជាផ្នែកមួយក្នុងគម្រោងការកំណែទម្រង់ប្រព័ន្ធសេដ្ឋកិច្ចដែលជាប់គាំងរបស់ក្រិកអាចលាតសន្ធឹងទៅលើការពិចារណាលក់កំពង់ផែ និងរោងចក្រអគ្គិសនីក្នុងពេលអនាគត ។
ការណ៍ពិតក្រុមហ៊ុន Fraportag បានដាក់សំណើសុំទិញអាកាសយានដ្ឋានតាំងពីចុងឆ្នាំមុន ប៉ុន្តែរដ្ឋាភិបាលក្រិកបានបង្កកទុកដើម្បីត្រួតពិនិត្យពីការស្រុះស្រួលលើតម្លៃដែលស្នើឡើង និងពិចារណាពីលទ្ធផលឆ្លើយតបរដ្ឋាភិបាលក្រុងអាថែនដែលបានទទួល ។ អ្នកនាំពាក្យរបស់រដ្ឋាភិបាលក្រិកបញ្ជាក់ថា ការលក់អាកាសយានដ្ឋាននេះ «មិនមែនលក់ទេ»ប៉ុន្តែគឺជាការជួលកម្មសិទ្ធិក្នុងការគ្រប់គ្រងអាកាសយានដ្ឋានដល់ក្រុមហ៊ុននោះរយៈពេល៤០ឆ្នាំ និងនៅពេលដល់កំណត់អាកាសយានដ្ឋានទាំងអស់នឹងស្ថិតក្រោមការគ្រប់គ្រងរបស់ក្រិកដូចដើម ។
ការលក់អាកាសយានដ្ឋានកាលពីពេល ថ្មីៗនេះក្រោយពីកិច្ចប្រជុំរដ្ឋមន្ត្រីហិរញ្ញវត្ថុក្នុងសហគមន៍អឺរ៉ុបបានយល់ស្របផ្តល់កញ្ចប់ប្រាក់កម្ចីលើកទី៣រយៈពេល៣ឆ្នាំក្នុងរង្វង់ទឹកប្រាក់៨៦.០០០លានអឺរ៉ូ កាលពីថ្ងៃទី១៤ សីហា ដើម្បីជួយទប់លំនឹងក្រិក និងចៀសវាងការចាកចេញពីសហគមន៍អឺរ៉ុបដែលមាន១៩ប្រទេសធ្វើចលនាអឺរ៉ុបរួមគ្នា ៕
ចែករំលែកព័តមាននេះ