ប្រទេសថៃ ៖ ប៉ូលិសថៃកាលពីថ្ងៃទី២៨ ខែកុម្ភៈ ឆ្នាំ២០២១ បានប្រើគ្រាប់កៅស៊ូ និងប្រើកាណុងបាញ់ទឹក ព្រមទាំងឧស្ម័នបង្ហូរទឹកភ្នែក ប្រឆាំងពួកបាតុករស្និទ្ធប្រជាធិបតេយ្យនៅក្រុងបាកក នៅមុខនិវេសនដ្ឋាន របស់នាយករដ្ឋមន្ត្រីលោកប្រាយុទ្ធចាន់អូចា។
យោងតាមការប៉ានប្រមាណថា បាតុករប្រមាណជា២.០០០នាក់ បានលើកគ្នាដើរហែក្បួន រហូតដល់មុខអតីតបន្ទាយយោធាជាកន្លែងរស់នៅ របស់លោកចាន់អូចាជាអតីតប្រមុខយោធាដែលចលនាស្និទ្ធប្រធិបតេយ្យ កើតឡើងក្នុងឆ្នាំ២០២០ទាមទារឲ្យចាកចេញពីតំណែង។ ការប៉ះទង្គិចគ្នាបានផ្ទុះឡើង រវាងពួកបាតុករនិងកងកម្លាំងប៉ូលិស ដែលដាក់ពង្រាយនៅមុខ ច្រកចូលបន្ទាយនោះ ការពារដោយលួសបន្លានិងរាំងដោយកុងតឺន័រ។
ប៉ូលិសប៉ុនប៉ងបំបែកបាតុកម្មជាមួយកាណុងបាញ់ទឹកនិងឧស្ម័នបង្ហូរទឹកភ្នែក។ នោះជាប្រើកម្លាំងប្រឆាំងពួកបាតុករ ជាលើកដំបូងនៅក្រុងបាងកក ចាប់តាំងពីច្រើនខែមកហើយ។ បាតុករមួយចំនួនត្រូវឲ្យលើកដៃឡើងលើ ហើយបាតុករខ្លះទៀតបានលើកម្រាមដៃ៣ ជាសញ្ញានៃការតស៊ូ។ បន្តិចក្រោយមកប៉ូលិសបានបាញ់គ្រាប់កៅស៊ូ។ បាតុករ១៦នាក់រងរបួសពេលប៉ះទង្គិចគ្នា។ ពួកបាតុករបានគប់ដប ដុំថ្ម ដុំឥដ្ឋសំដៅប៉ូលិស។ ក្នុងចំណោមពួកបាតុករមានពលករអន្តោប្រវេសន៍ មកពីមីយ៉ាន់ម៉ាដែលតវ៉ាផងដែរ ប្រឆាំងរដ្ឋប្រហារយោធានៅប្រទេសពួកគេ។ បាតុករយ៉ាងតិច១៩នាក់ត្រូវបានចាប់ខ្លួន។
ការចាប់ខ្លួននាពេលថ្មីៗនេះ មេដឹកនាំចលនាតវ៉ា៤នាក់ នាំឲ្យមានការប្រមូលផ្ដុំមនុស្សធ្វើបាតុកម្មជាថ្មី។ សរុបបាតុករ៥៨នាក់ត្រូវជាប់ការចោទប្រកាន់ពីបទប្រមាថព្រះមហាក្សត្រ ជាបទឧក្រិដ្ឋអាចទទួលទោសជាប់គុកដល់១៥ឆ្នាំ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ