លោកតា លុន ឆុ​ន បាន​ទទួលមរណភាព​ក្នុង​ជន្មាយុ​103​ឆ្នាំ លោក លុន ឆេ​ង​កៃ ព្រមទាំង​ក្រុម​គ្រួសារ​ប្រារព្ធ​ពិធី​បុណ្យសព​តាម​ប្រពៃណី


រាជធានី​ភ្នំពេញ ៖ នៅ​កម្ពុជា​យើង ជនជាតិ​ខ្មែរ​មួយ​រូប គឺ​លោកតា​ឧបាសក លុន ឆុ​ន មាន​អាយុ​វែង​គួរ​ឱ្យ​កត់សម្គាល់ គឺ​លោកតា​មាន​ជន្មាយុ​១០៣​ឆ្នាំ បានទទួលមរណ​ភាព ​កាលពី​ថ្ងៃ​ព្រហស្បតិ៍ ទី​២០ សីហា ២០១៥ វេលា​ម៉ោង​៣​និង​១០​នាទី​ទៀប​ភ្លឺ នៅ​គេហដ្ឋាន​លោក លុន ឆេ​ង​កៃ ផ្ទះ​លេខ ៥៣D ផ្លូវ​លេខ​៧០ សង្កាត់​ស្រះ​ចក រាជធានី​ភ្នំពេញ ។

ពិធីបុណ្យ​បូជាសព​បាន​ប្រព្រឹត្ត​ទៅ​យា​៉​ង​តាម​ប្រពៃណី​នៅ​វត្ត​ទួល​សង្កែ ក្រោម​ការ​ចូលរួម​ពី​ញាតិ​មិត្ត​ជិត​ឆ្ងាយ​ដែល​ក្នុង​ឱកាស​ដ៏​ក្រៀមក្រំ​នោះ ក៏​មាន​វត្តមាន​ឧក​ញា​៉ ថុ​ង អ៊ុយ​ប៉ា​ង និង​ភរិយា ដែល​ត្រូវជា​ចៅ​បាន​ចូលរួម​រំលែក​ទុក្ខ​ដ៏​ក្រៀមក្រំ​នេះ​ដែរ ។

លោកតា​ឧបាសក លុន ឆុ​ន កើត​នៅ​ថ្ងៃ​ទី​២៤ មីនា ឆ្នាំ​១៩១៣ នៅ​ភូមិ​ព្រែក​ចង្ក្រាន សង្កាត់​ព្រែក​ចង្ក្រាន ស្រុក​ស៊ី​ធរ​កណ្តាល ខេត្តព្រៃវែង មានកូន​៨​នាក់ ក្នុង​នោះ​ស្រី​៣​នាក់ ។ សព្វ​ថ្ងៃនេះ​កូន​ដែល​នៅរ​ស់មាន​៥​នាក់​ក្នុង​នោះ​មាន​ស្រី​២​នាក់ ។

ឆ្នាំ​១៩៩៤ លោកតា លុន ឆុ​ន ត្រូវ​បានកូន​ដែល​រស់នៅ​សហរដ្ឋអាមេរិក​នាំ​យក​ទៅ​រស់នៅ​ជាមួយ ។ មក​ដល់​ថ្ងៃ​ទី​៨ សីហា ២០១៤ លោកតា​ត្រូវ​បាន​វិល​មក​រស់នៅ​ទឹកដី​កំណើត​វិញ ដោយ​ស្នាក់​នៅ​ក្រោម​កិច្ច​ឧបត្ថម្ភ​បីបាច់​ថែរក្សា​របស់​លោក លុន ឆេ​ង​កៃ ជា​កូនប្រុស​ច្បង​ទី​២ នៅ​រាជធានី​ភ្នំពេញ ។

ឆ្នាំ​២០១៥ ដោយសារ​ជំងឺ​ជរាភាព​កាន់តែ​ធ្ងន់ធ្ងរ ទោះបី​គ្រូពេទ្យ​ខិតខំ​ព្យាបាល​យា​៉​ង​ណា​ក៏​ដោយ ក៏​ជរាពាធ​កាន់តែ​ទ្រុឌទ្រោម​ខ្លាំង រហូត​លោកតា​ទទួលមរណភាព​នៅ​ថ្ងៃ​ទី​២០ សីហា ២០១៥ វេលា​ម៉ោង​៣​និង​១០​នាទី​ទៀប​ភ្លឺ ក្នុង​ជន្មាយុ​១០៣​ឆ្នាំ ក្រោម​ការ​ជួយ​ជ្រោមជ្រែង​ពី​សំណាក់​កូន​និង​ចៅ​គ្រប់​គ្នា ដោយ​ក្តី​កតញ្ញូតាធម៌ ក្រៃ​លែង ។
ចំណែក​ពិធីបុណ្យ​៧​ថ្ងៃ​តាម​ប្រពៃណី នឹង​ប្រព្រឹត្ត​ទៅ​នៅ​ថ្ងៃ​អង្គារ ទី​២៥ សីហា ខាង​មុខ​នេះ នៅ​គេហដ្ឋាន​លោក លុន ឆេ​ង​កៃ លេខ​៥៣D ផ្លូវ​លេខ​៧០ (​ទំនប់​ទួល​គោក​) សង្កាត់​ស្រះ​ចក ខណ្ឌដូនពេញ ។

លោក​វេជ្ជបណ្ឌិត លុន មា​៉​រា​៉ ដែល​ត្រូវជា​ចៅ​បាន​ប្រាប់​កោះសន្តិភាព​ថា រហូត​ដល់​អាយុ​១០៣​ឆ្នាំ​នេះ លោកតា​បើ​តាម​ការ​ពិនិត្យ​ឈាម តាម​វេជ្ជសាស្ត្រ គាត់​ពុំ​មាន​ជំងឺ​ណាមួយ​យាយី​ទេ គឺ​រាង​កាយ​និង​សុខភាព​ល្អ​ដែល​ស្មាន​មិន​ដល់ ។ សូ​ម្បី​អាយុ​១០១​ឆ្នាំ ដែល​ត្រូវ​ជិះ​យន្តហោះ​ពី​អា​មេ​រិ​កមក​កម្ពុជា គ្រូពេទ្យ​អា​មេ​រិ​កបាន​ពិនិត្យ​សុខភាព និង​យល់ព្រម​ថា អាច​ជិះ​យន្តហោះ​បាន​ទើប​កូនចៅ​នៅ​អា​មេ​រិ​ក​ទិញ​សំបុត្រ​យន្តហោះ​ឱ្យ​ជិះ​មក​ភ្លាម​តាម​ការ​ចង់​របស់​លោកតា ។

លោក​វេជ្ជបណ្ឌិត លុន មា​៉​រា​៉ និយាយ​ថា លោកតា​ពិតមែន​ពុំ​មាន​ជំងឺ​ប្រចាំ​កាយ ប៉ុន្តែ​ភាព​ជរា​បាន​ញាំញី​បន្តិច​ម្តង​ៗ​រហូត​ដល់​ទន់​ខ្លួន​ដើរ​លែង​រួច ត្រូវ​បាន​គ្រា​និង​ជិះរទេះ​រុញ​ម្តង​ៗ​។ តាម​ពាក្យចាស់​ថា លោកតា​មាន​ជំងឺ​ជរា ទុំ​ជ្រុះ​តែ​ម្តង ហើយ​កូនចៅ​ក៏​បាន​អស់ចិត្ត​ដែរ ដែល​បាន​បីបម​ថ្នាក់ថ្នម​ប្រកប​ទៅ​ដោយ​ព្រហ្ម​វិហារធម៌​ល្អ​បំផុត ។

សូម​បញ្ជាក់​ថា លោក លុន ឆេ​ង​កៃ ជា​បុត្រ​ទី​២ ប្រចាំ​ត្រកូល​លុន បាន​រៀបចំ​ទុកដាក់​សព​ឪពុក​របស់​លោក​ទៅ​តាម​ប្រពៃណី​ព្រះពុទ្ធ​សាសនា​គួរ​ឱ្យ​កត់សម្គាល់​ក្រៃ​លែង ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

សប្បុរសធម៌

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ