ខេត្តតាកែវ ៖ ជនសង្ស័យប្រើប្រាស់ថ្នាំញៀន២នាក់ និងអ្នកលក់-ផ្តល់ទីតាំងប្រើប្រាស់២នាក់ទៀតត្រូវប៉ូលិសស្រុកទ្រាំង និងប៉ូលិសការិយាល័យប្រឆាំងការជួញដូរគ្រឿងញៀនខេត្តសហការគ្នាចាប់ខ្លួន
ខេត្តតាកែវ ៖ ជនសង្ស័យប្រើប្រាស់ថ្នាំញៀន២នាក់ និងអ្នកលក់-ផ្តល់ទីតាំងប្រើប្រាស់២នាក់ទៀតត្រូវប៉ូលិសស្រុកទ្រាំង និងប៉ូលិសការិយាល័យប្រឆាំងការជួញដូរគ្រឿងញៀនខេត្តសហការគ្នាចាប់ខ្លួន កាលពីវេលាម៉ោង៦ និង៣០នាទីល្ងាច ថ្ងៃទី៨ សីហា ២០១៥ ខណៈពួកគេនាំគ្នាជក់គ្រឿងញៀនក្នុងផ្ទះមួយកន្លែង ស្ថិតក្នុងភូមិននៀល ឃុំព្រៃស្លឹក ស្រុកទ្រាំង ។
ក្នុងប្រតិបត្តិការនោះសមត្ថកិច្ចដកហូតបានថ្នាំញៀនម៉ាទឹកកក២កញ្ចប់ធំ អាវុធកែច្នៃ១ដើម ឧបករណ៍សម្រាប់ឆក់ត្រីចំនួន២ឈុត សម្ភារប្រើប្រាស់ថ្នាំញៀនមួយចំនួន និងម៉ូតូ១គ្រឿង។
លោកទៀង ម៉ាលី អធិការនគរបាលស្រុកទ្រាំងបានឱ្យដឹងថា ជនសង្ស័យដែលត្រូវចាប់ខ្លួនមានឈ្មោះថាន់ ឆាលរ៉ាល់ ភេទប្រុស អាយុ២២ឆ្នាំ ជាកម្មកររោងចក្រ រស់នៅភូមិត្រពាំងផ្លុង សង្កាត់រកាក្រៅ ក្រុងដូនកែវនិងឈ្មោះថន ធី ភេទប្រុស អាយុ២៧ឆ្នាំ មុខរបរធ្វើស្រែ រស់នៅភូមិបិនម៉ៅ សង្កាត់រកាក្រៅ ក្រុងដូនកែវ(ទាំង២នាក់ជាអ្នកប្រើប្រាស់) ចំណែកម្ចាស់ដែលផ្តល់កន្លែង និងជាអ្នកលក់ថ្នាំញៀនឈ្មោះមុំ ឌីណា ភេទប្រុស អាយុ៣៤ឆ្នាំ និងប្រពន្ធឈ្មោះអោក ចាន់ធឿន ភេទស្រី អាយុ៣៥ឆ្នាំ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ