រាជធានីភ្នំពេញ ៖ ដោយការបើករថយន្តដឹកដីមានភាពទំនើង ក៏បណ្តាលឱ្យក្រឡាប់កាលពីវេលាម៉ោង០៨ និង៤៥នាទីព្រឹកថ្ងៃទី២០ សីហា ២០១៥ នេះ ស្ថិតនៅចំណុចតាមបណ្តោយផ្លូវ១០១៩ ក្នុងភូមិសំរោង សង្កាត់ឃ្មួញ ខណ្ឌសែនសុខ បន្ទាប់ពីបើកក្នុងល្បឿនយ៉ាងលឿន និងជ្រែជាមួយរថយន្តដឹកដីមួយគ្រឿងទៀតក្នុងទីកន្លែងដែលចង្អៀត ។
ប្រភពបានឱ្យដឹងថា ម្ចាស់រថយន្តដឹកដីបង្កបានរត់គេចខ្លួនបាត់ បន្ទាប់ពីកើតហេតុ ដោយគេដឹងថា បានរងរបួសជាមធ្យម ហើយត្រូវគេស្គាល់ផងដែរ គឺឈ្មោះរ៉ា យុទ្ធ មានទីលំនៅក្នុងសង្កាត់ឃ្មួញ បើករថយន្តម៉ាកអ៊ីយហ្សុយហ្សុយ ពាក់ស្លាកលេខភ្នំពេញ
ក-៥៨៦៩ភព ។ ចំណែកអ្នកបើករថយន្តដឹកមួយគ្រឿង មិនបានស្គាល់អត្តសញ្ញាណនោះទេ ។
ប្រភពបន្តថា នៅមុនពេលកើតហេតុ គេឃើញរថយន្តដឹកដីបង្កខាងលើ បានបើកមកពីជើងទៅត្បូង លុះមកដល់ចំណុចកើតហេតុជាផ្លូវចង្អៀត ក៏បានជ្រែនិងបុកជាមួយរថយន្តដឹកដីមួយគ្រឿងទៀត បណ្តាលឱ្យក្រឡាប់តែម្តង ។
គួរកត់សម្គាល់ថា រថយន្តដឹកដីភាគច្រើន គឺបើកបរមានភាពរញ៉េរញ៉ៃណាស់ក្នុងពេលបច្ចុប្បន្ននេះ ដូច្នេះគួរតែអាជ្ញាធរចាត់វិធានការហើយ ។
ចែករំលែកព័តមាននេះ