រាជធានីភ្នំពេញ ៖ ក្រុមហ៊ុន អ អិម អេ ខេមបូឌា (RMA Cambodia) ដែលជាតំណាងនាំចូល និងចែកចាយផ្តាច់មុខរថយន្តហ្វដ (Ford) ប្រចាំប្រទេសកម្ពុជា នឹងរៀបចំព្រឹត្តិការណ៍តាំងបង្ហាញរថយន្ត Ford ចំនួន៤ថ្ងៃ គឺចាប់ពីថែ្ងទី១៨ ដល់ថៃ្ងទី២១ សីហា ២០១៥ នៅផ្សារទំនើប AEON ចាប់ពីម៉ោង៩ព្រឹក ដល់ម៉ោង៩យប់ ។
ការដាក់តាំងបង្ហាញនេះ នឹងមានវត្តមានរថយន្ត Ford Mustang, Fiesta, Explorer និង Ranger 2016 ស៊េរីថ្មី រូបរាងថ្មី ក្នុងគោលបំណងដើម្បីផ្តល់ឱកាសជូនអតិថិជនឱ្យបានយល់ជ្រាបច្បាស់ពីលក្ខណៈពិសេសនៃបច្ចេកវិទ្យាចុងក្រោយរបស់រថយន្ត Ford ដូចជាបច្ចេកវិទ្យាប្រព័ន្ធផ្តល់ដំណឹងដល់អ្នកបើកបរពេលមាន អារម្មណ៍ងងុយដេក ប្រព័ន្ធជំនួយលើចង្កូត និងរំលឹកឱ្យអ្នកបើកបរបើកក្នុងគន្លង និងគំនូសផ្លូវត្រឹមត្រូវ និងបច្ចេកវិទ្យាថ្មីៗជាច្រើនទៀត ។ មិនត្រឹមតែប៉ុណ្ណោះ អតិថិជននឹងមានឱកាសទទួលបាននូវកម្មវិធីផ្តល់ជូនពិសេសៗជាច្រើនទៀតដែលបានផ្តល់ជូនក្នុងឱកាសនៃការតាំងបង្ហាញរថយន្តនេះផងដែរ ។
គួរបញ្ជាក់ថា ក្រុមហ៊ុន Ford បានប្រកបអាជីវកម្មនៅក្នុងប្រទេសកម្ពុជាអស់រយៈពេលជាង១៥ឆ្នាំមកហើយ និងបានទទួលនូវភាពជោគជ័យយ៉ាងត្រចះត្រចង់នៅលើទីផ្សារចាប់តាំងពីការចាប់ផ្តើមអាជីវកម្មជាលើកដំបូងមកម្ល៉េះ។ ក្រុមហ៊ុន Ford និងក្រុមហ៊ុន RMA Cambodia ដែលជាក្រុមហ៊ុនដៃគូយូរអង្វែងរបស់ខ្លួន បានបង្កើតនូវអគារតាំងបង្ហាញរថយន្ត ហាងលក់គ្រឿងបន្លាស់ និងមជ្ឈមណ្ឌលសេវាជួសជុលជាច្រើនកន្លែងនៅទូទាំងប្រទេស ព្រមទាំងបាននាំចូលនូវរថយន្តជាច្រើនប្រភេទមកកាន់ទីផ្សារកម្ពុជា ៕
ចែករំលែកព័តមាននេះ