ខេត្តបាត់ដំបង ៖ រថយន្តម៉ាកហ៊ីយ៉ាន់ដាយមួយគ្រឿង មានដឹកអង្ករទម្ងន់៣៥តោន បានបើកធ្លាក់ផ្លូវក្រឡាប់បណ្តាលឱ្យសង្កត់លើសំយាបផ្ទះអ្នកភូមិ និងសង្កត់លើម៉ូតូមួយគ្រឿង ហើយបែកកញ្ចក់រថយន្តដែលចតនៅមុខផ្ទះមួយគ្រឿងទៀត ។ ចំណែកអ្នកបើកបរបានកៀបជាប់ជាមួយរថយន្តស្លាប់នៅនឹងកន្លែង រីឯព្រូបានរងរបួសបែកក្បាលធ្ងន់ធ្ងរ ។
ហេតុការណ៍នេះ កើតឡើងកាលពីវេលាម៉ោង០៥ល្ងាចថ្ងៃទី១៦ សីហា ២០១៥ ស្ថិតនៅចំណុចផ្លូវ59B ក្នុងភូមិថ្នល់បត់ ឃុំអូររំដួល ស្រុកភ្នំព្រឹក (ក្រវ៉ាត់ព្រំដែន) ។
ប្រភពបានឱ្យដឹងថា ជនរងគ្រោះដែលស្លាប់ឈ្មោះសន ចំរើន អាយុ១៧ឆ្នាំ មានទីលំនៅក្នុងខេត្តកំពង់ចាម បើករថយន្តហ៊ីយ៉ាន់ដាយ ពាក់ស្លាកលេខភ្នំពេញ 3D-0663 ។ ចំណែកព្រូឈ្មោះភៀន រាំង្តី អាយុ២៥ឆ្នាំ ។
ប្រភពបន្តថា មុនពេលកើតហេតុ គេឃើញរថយន្តខាងលើបានបើកឡើងចំណោត រួចក៏ចុះចំណោតវិញដោយមានល្បឿនយ៉ាងលឿន ក៏ជ្រុលចង្កូតធ្លាក់ផ្លូវក្រឡាប់តែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ