ខេត្តកណ្តាល ៖ ករណីឪពុកចុងចិត្តអប្រិយ ចាប់រំលោ.ភកូនស្រីប្តីដើម បានសម្រេចជាច្រើនដង និងថតវីដេអូទុកគំរាមបង្ហោះសកម្មភាពរួមភេ.ទលើបណ្តាញសង្គម នៅល្ងាចថ្ងៃទី១៥ ខែកុម្ភៈ ឆ្នាំ២០២១ លោក ស៊ូ បញ្ញា ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួន ដាក់ពន្ធនាគារបណ្តោះអាសន្ន ពីបទរំលោ.ភសេពស.ន្ថវៈ មានស្ថានទម្ងន់ទោស តាមមាត្រា២៤១ នៃក្រមព្រហ្មទណ្ឌ ។
ហេតុការណ៍ចាប់រំលោ.ភសេពស.ន្ថវៈកូនស្រីរបស់ប្ដីដើម បានសម្រេចជាបន្តបន្ទាប់នោះ បានកើតឡើងតាំងពីថ្ងៃទី០៧ ខែមិថុនា ឆ្នាំ២០២០ រហូតដល់មកថ្ងៃទី៣១ ខែធ្នូ ឆ្នាំ២០២០ នៅផ្ទះជនរងគ្រោះ ក្នុងភូមិលេខ៤ សង្កាត់ស្វាយរលំ ក្រុងតាខ្មៅ ខេត្តកណ្តាល ។
ជនត្រូវចោទមានឈ្មោះ ទេព តុលា ភេទប្រុស អាយុ៣៥ឆ្នាំ ជនជាតិខ្មែរ មុខរបរជាងម៉ាស៊ីនត្រជាក់ ទីលំនៅភូមិលេខ៤ សង្កាត់ស្វាយរលំ ក្រុងតាខ្មៅ ខេត្តកណ្តាល ។
ជនរងគ្រោះត្រូវជាកូនប្តីដើមមានឈ្មោះ ច.ធ.រ.ន ភេទស្រី អាយុ១៦ឆ្នាំ ជនជាតិខ្មែរ មុខរបរសិស្ស រស់នៅជាមួយម្តាយឈ្មោះ ចំរើន សួស្តី អាយុ៣៦ឆ្នាំ មុខរបរ មេផ្ទះ នៅភូមិលេខ៤ សង្កាត់ស្វាយរលំ ក្រុងតាខ្មៅ ខេត្តកណ្តាល និងមានឪពុកបង្កើត អាយុ៣៧ឆ្នាំ បានលែងលះគ្នា ។
មន្ត្រីនគរបាលក្រុងតាខ្មៅ បានរៀបរាប់ដំណើររឿងថា កាលពី៤ឆ្នាំមុន ឪពុកម្តាយរបស់នារីរងគ្រោះ ដោយសារតែរស់នៅមិនចុះសម្រុងនឹងគ្នា ក៏បានលែងលះគ្នា ដោយមានកូនចំនួន៣នាក់ ប្រុស១ ស្រី២ (នារីរងគ្រោះជាកូនទី១) ។ ប៉ុន្ដែឪពុករបស់នាង ក៏មានប្រពន្ធថ្មី ហើយនាងរស់នៅជាមួយនឹងម្ដាយបង្កើតរហូតមក ។
ក្រោយពេលលែងលះគ្នាហើយ ម្ដាយរបស់យុវតីរងគ្រោះ ក៏មានទំនាក់ទំនងជាមួយនឹងបុរសម្នាក់ (ជនសង្ស័យ) រហូតបានរៀបការប្តីក្រោយ នៅថ្ងៃទី០៧ ខែមិថុនា ឆ្នាំ២០២០ បន្ទាប់ពីនារីរងគ្រោះ បានចូលរួមផឹកស៊ី រហូតដល់ស្រវឹងដេកលក់ក្នុងដំណេក ស្រាប់តែនៅពាក់កណ្តាលយប់ ឪពុកចុងក៏បានឡើងទៅចាប់បង្ខំសេពស.ន្ថវៈរហូតបានសម្រេចម្តង ។
លុះមកដល់ថ្ងៃទី១៤ ខែមិថុនា ឆ្នាំ២០២០ ម្តាយ និងឪពុកចុងរបស់នាងបាននាំរូបនាង ទៅធ្វើពិធីកាត់ចំណងដៃ នៅឯខេត្តស្វាយរៀង ហើយឃើញឱកាសល្អ ក៏ចាប់នាងរំលោ.ភបានសម្រេចម្តងទៀត ។
ក្រោយពេលរំលោ.ភបានសម្រេចចំនួន២ដង រួចមកហើយ ឪពុកចុងរូបនេះ បានបន្ដចាប់នាងរំលោ.ភ បានសម្រេចបន្ថែមទៀត នៅលើផ្ទះ ហើយថែមទាំងថតវីដេអូទុកគំរាមដើម្បីបានរួមរ័.កទៀត ។
លុះក្រោយមកទៀត ជនសង្ស័យបានសុំនាងរួមភេ.ទជាបន្ត ប៉ុន្ដែជនរងគ្រោះមិនព្រមទេ ទើបជនសង្ស័យបានយកវីដេអូនោះ មកគំរាមថា បើមិនព្រមឲ្យគេរួមរ័.កទេ គេនឹងយកវីដេអូនោះ បង្ហោះនៅលើហ្វេសប៊ុកឲ្យគេដឹង ទើបជនរងគ្រោះយល់ព្រម ឲ្យរួមរ័.កជាបន្តបន្ទាប់ រហូតបានសម្រេចចំនួន៨ដង ។
ក្រោយពេលគំរាម និងចាប់បង្ខំរួមរ័.កជាច្រើនលើក ច្រើនសារ ធ្វើឲ្យនាងអត់ទ្រាំលែងបាន ទើបនៅថ្ងៃទី៣១ ខែធ្នូ ឆ្នាំ២០២០ ក្មេងស្រីរងគ្រោះបានយករឿងរ៉ាងទាំងអស់នោះ ទៅប្រាប់ម្តាយបង្កើតរបស់នាង ប៉ុន្ដែម្តាយនាង គ្រាន់ស្តីបន្ទោសដល់ឪពុកចុង បីបួនមាត់ តែប៉ុណ្ណោះ ។
ក្រោយពេលឃើញទង្វើរបស់ម្ដាយបែបនេះ ធ្វើឲ្យនារីរងគ្រោះខឹង ហើយក៏ឈប់រៀន រួចរត់ទៅរស់នៅជាមួយម្តាយមីង ប្រកបរបរស៊ីឈ្លួលលាងចានឲ្យគេនៅក្នុងខេត្តព្រៃវែង ។
បន្ទាប់ពីទទួលបានដំណឹងថា ជនរងគ្រោះឈប់រៀន ឪពុកបង្កើតរបស់នាង ក៏បានហៅនាងឲ្យទៅរស់នៅជាមួយ នៅក្នុងឃុំក្រាំងយ៉ូវ ស្រុកស្អាង ខេត្តកណ្ដាល ដោយឪពុកបង្កើត ប្រាប់នាងឲ្យទៅយកខោអាវទាំងអស់ ពីផ្ទះម្ដាយបង្កើត ដើម្បីមករស់នៅជាមួយគាត់ ។
លុះមកដល់ថ្ងៃទី១៤ ខែកុម្ភៈ ឆ្នាំ២០២១ ជនរងគ្រោះបានត្រឡប់ចូលផ្ទះ ដើម្បីរៀបចំខោអាវ ទៅរស់នៅជាមួយឪពុកបង្កើតវិញ ក៏បានជួបនឹងជនសង្ស័យជាឪពុកចុង ពេលនោះពួកគេ បានឈ្លោះប្រកែកគ្នា ហើយជនសង្ស័យបានវាយធ្វើបាបនាង ទើបនាងរត់មកដាក់ពាក្យបណ្តឹង នៅប៉ុស្តិ៍នគរបាលរដ្ឋបាលស្វាយរលំ ដោយរៀបរាប់តាមដំណើររឿងខាងលើនេះ ដើម្បីអោយសមត្ថកិច្ចចុះមកឃាត់ខ្លួនជនសង្ស័យចាត់ការតាមច្បាប់ ។
ក្រោយពេលមានពាក្យបណ្ដឹងពីជនរងគ្រោះ សមត្ថកិច្ចបានចុះទៅឃាត់ខ្លួនជនសង្ស័យ នាំទៅកាន់អធិការដ្ឋាននគរបាលក្រុងតាខ្មៅ ដើម្បីសួរនាំ ។
តាមការសាកសួរ ជនសង្ស័យបានឆ្លើយថា ខ្លួនពិតជាបានរួមភេ.ទជាមួយនារីរងគ្រោះ បានសម្រេចជាច្រើនដង ពិតប្រាកដមែន ប៉ុន្តែអះអាងយករួចខ្លួនថា មិនបានចាប់រំលោ.ភនោះទេ ជាការព្រមព្រាងគ្នា ។ ទោះជាយ៉ាងនេះក្តី សមត្ថកិច្ចនៅតែកសាងសំណុំរឿងបញ្ជូនទៅតុលាការ ចាត់ការតាមនីតិវិធី ៕
ចែករំលែកព័តមាននេះ