ផ្ទុះគ្រាប់បែកក្បែរអង្គប្រជុំគណៈរដ្ឋមន្ដ្រី ខណៈក្រុមអាវក្រហមគេចពីអន្ទាក់លោកអាប់ភីស៊ីត
គ្រាប់បែក២គ្រាប់បានផ្ទុះឡើងផ្អើលមនុស្សម្នាក្នុងក្រុងបាងកក កាលពីរសៀល ថ្ងៃទី២៣ មីនា នេះ ខណៈកិច្ចប្រជុំគណៈរដ្ឋមន្ដ្រីរបស់រដ្ឋាភិបាលលោកអាប់ភីស៊ី តបានចាប់ផ្ដើមឡើងនៅឯក្រសួងសុខាភិបាល ហើយការផ្ទុះនេះក៏កើតឡើងនៅក្បែរក្រសួង សុខាភិបាលដែរ ។
ជាសំណាងមួយដែរ មិនមានមនុស្សណាម្នាក់រងរបួសឡើយ ប៉ុន្ដែការបំផ្ទុះនេះបាន បង្កឱ្យរថយន្ដតូចៗ២គ្រឿងទទួលរងការខូចខាតយ៉ាងដំណំ ។
អាជ្ញាធរមិនទាន់ចាប់បានជនដៃដល់នៅឡើយទេ បើទោះណាជាមាន កងសន្ដិសុខការពារសុវត្ថិភាពយ៉ាងតឹងរ៉ឹងរហូតដល់ជាង២.០០០នាក់ក៏ដោយ ។
ចំណែកក្រុមបាតុករអាវក្រហមបានអះអាងរួចហើយថា សុខចិត្ដធ្វើការដង្ហែក្បួនម៉ូតូ ប្រមាណ២.០០០គ្រឿង នៅតាមផ្លូវនានា ជុំវិញក្រុងបាងកក និងប្រមូលពលរដ្ឋថ្នាក់កណ្ដាលឱ្យចូលរួមកាន់តែខ្លាំងក្លាវិញ ប្រសើរជាងទៅព័ទ្ធអង្គប្រជុំគណៈរដ្ឋមន្ដ្រីនាំឱ្យចូលអន្ទាក់របស់លោក អាប់ភីស៊ីត ។
ចែករំលែកព័តមាននេះ