និស្សិតស្រីចិនស្រស់សោភាម្នាក់ដែលបាត់ខ្លួនកាលពីពេល ថ្មីៗកន្លងមក ត្រូវសមត្ថកិច្ចបញ្ជាក់ថា បានស្លាប់ដោយសារមិត្តរួមថ្នាក់របស់នាងសម្លាប់ ក្រោយពីចាប់រំលោភមិនបានសំរេច ។ និស្សិតស្រីរូបនោះឈ្មោះហ្ស៊ូ យ៉ុនលូ រៀនឆ្នាំទី២ ផ្នែកសម្តែងភាពយន្ដនៅសាកលវិទ្យាល័យ Communication University ក្នុងទីក្រុងប៉េកាំង ។ នាងហ្ស៊ូ យ៉ុនលូ បាត់ខ្លួន ហើយព័ត៌មាននេះភ្ញាក់ផ្អើលដល់សាកលវិទ្យាល័យរបស់នាង ក៏រាយការណ៍ឱ្យប៉ូលិសជួយអន្តរាគមន៍ ។
ប៉ូលិសបានចាប់ខ្លួនជនសង្ស័យវ័យ ២៣ ឆ្នាំត្រកូលលី ជាមិត្តរួមថ្នាក់ជាមួយនាង ហ្ស៊ូ យ៉ុនលូ ។ ជនសង្ស័យសារភាពប្រាប់ប៉ូលិសថា រូបគេបានសម្លាប់នាងហ្ស៊ូ យ៉ុនលូ ពិតមែន ព្រោះតែចាប់រំលោភមិនបានសំរេច ។
ស៊ីនហួផ្សាយថា ប៉ូលិសមិនបានបញ្ជាក់ថា យុវជនត្រកូលលី នោះសម្លាប់មិត្តស្រីរួមថ្នាក់របស់ខ្លួនដោយវិធីណាទេ ៕
ចែករំលែកព័តមាននេះ