«Solar Probe Plus» គឺជាយានបេសកកម្មប្រវត្តិសាស្ត្ររបស់អ្នកវិទ្យាសាស្ត្រត្រៀមហោះហើរចូលទៅក្នុងបរិយាកាសខាងក្រៅរបស់ព្រះអាទិត្យ គឺកូរ៉ូណា ជាលើកដំបូង ។ យាននេះត្រូវធ្វើដំណើរក្នុងចម្ងាយ ៥,៩ លានគីឡូម៉ែត្រនៃផ្ទៃរបស់ព្រះអាទិត្យពោលគឺ ៤ ដងនៃប្រវែងអង្កត់ផ្ចិតរបស់វា ។
ក្នុងបេសកកម្មមួយប្រកបដោយគ្រោះថ្នាក់ដោយសារតែរលកកម្តៅជះមក ក្រុមអ្នកវិទ្យាសាស្ត្របានបង្កើតរបស់ការពារស្រោបពីក្រៅយាន ចៀសវាងត្រូវរលាយដោយសារកម្តៅដែលផលិតពីសមាសធាតុកាបោនអាចស្ថិតក្នុងសីតុណ្ហភាព ២០០០ អង្សាបាន ។ ជាមួយគ្នានេះដែរស្ថិតក្នុងជំហានកាន់តែជិតទៅនឹងព្រះអាទិត្យយាន Solar Probe Plus នឹងផ្លាស់ទីយ៉ាងលឿនប្រហែលជាង ៧២ ម៉ឺនគីឡូម៉ែត្រក្នុង ១ ម៉ោង ។ លើសពីនេះទៅទៀតយាននឹងប្រើប្រាស់រួមបញ្ចូលគ្នារវាងការថតរូបប្រភេទ 3D និងឧបករណ៍វាស់ពីរលកកម្តៅដើម្បីបើកទម្លាយអាថ៌កំបាំងនៃរូបវិទ្យា ប្រភពដើម និងការអភិវឌ្ឍនៃរលកកម្តៅទៀតផង ។
គោលបំណងវិទ្យាសាស្ត្រចម្បងនៃបេសកកម្មនេះ គឺដើម្បី៖
-កំណត់ពីរចនាសម្ព័ន្ធ និងថាមពលដែនម៉ាញ៉េទិកនៅឯប្រភពនៃរលកកម្តៅព្រះអាទិត្យ ។
-តាមដានពីលំហូរថាមពលដែលបង្កកម្តៅដល់បរិយាកាសកូរូ៉ណា ។
-កំណត់ថាតើអ្វីជាសង្វាក់ទាក់ទងគ្នារវាងការបង្កើនកម្តៅ និងភាគល្អិតៗនៃប្រភពថាមពល ។
-ស្វែងរករលកកម្តៅបែកខ្ញែកគ្នាប្លាស្មានៅក្បែរព្រៈអាទិត្យ និងឥទ្ធិពលរបស់វាលើរលកកម្តៅព្រះអាទិត្យ និងការបង្កើតភាគ ល្អិតៗនៃថាមពលផងដែរ ៕
ចែករំលែកព័តមាននេះ