ជនជាតិចិនជឿថាបើរាសីមិនល្អ នោះការរកស៊ីរបស់គេក៏មិនល្អដែរ ។ ជំនឿនេះប្រកាន់យ៉ាងខ្ជាប់ខ្ជួនតាំងពីបុរាណរហូតមកដល់ពេលបច្ចុប្បន្ន ។ ជាក់ស្តែងបុរសម្នាក់គឺលោក Yang Zhigang រស់នៅតំបន់ Qijiang បាននាំក្រុមគ្រួសាររបស់គាត់៦នាក់ទៅលាបថ្នាំពណ៌បៃតងលើល្បាក់ថ្មភ្នំដើម្បីឱ្យមានរាសីល្អ ។
«លោក Yang Zhigang និយាយថា គោលបំណងនៃការលាបថ្នាំពណ៌បៃតងលើល្បាក់ថ្មភ្នំនេះ គឺដើម្បីបំបាត់ភាពស្រអាប់ប្រៀបដូចជាឧបទ្រពចង្រៃចេញពីថ្ម ក៏ដូចជាចេញពីលំនៅឋានរបស់ខ្ញុំដែរ ។ យើងមានគ្នា៥ទៅ ៦នាក់យកធុងថ្នាំពណ៌មួយចំនួន និងភ្ជាប់ឧបករណ៍សុវត្ថិភាពនឹងដងខ្លួន ហើយនាំគ្នាបំពេញការងារលាបថ្នាំពណ៌លើថ្មល្បាក់ភ្នំនេះ» ។
លោក Yang Zhigang និងក្រុមគ្រួសាររបស់លោកមិនបានលាបថ្នាំពណ៌លើល្បាក់ថ្មភ្នំគ្រប់ជ្រុងជ្រោយឡើយ ពោលគឺលាបតែលើទំហំ២ពាន់ម៉ែត្រការ៉េ និងកម្ពស់៩០០ម៉ែត្រប៉ុណ្ណោះ៕
ចែករំលែកព័តមាននេះ