ដេលីម៉េល របស់អង់គ្លេស កាលពីពេល ថ្មីៗកន្លងមកផ្សាយថា លោកហាម៉ាដ អាយុ២៧ឆ្នាំ ជនជាតិអីុរ៉ង់ ត្រូវតុលាការកាត់ទោសខ្វេះភ្នែកម្ខាងចោល ពីបទវាយគូជម្លោះបណ្តាលឱ្យពិការភ្នែកកាលពីខែមីនា ២០១១ ។ រឿងរ៉ាវកើតឡើងយូរមកហើយ តែតុលាការទើបតែសម្រេចទោសកាលពីពេល ថ្មីៗកន្លងមក ។
បុរសបង្កហេតុសារភាពថានាយប់មួយឪពុករបស់គេជួបគ្រោះថ្នាក់ចរាចរណ៍ ហើយពេលគេទៅដល់ចំណុចកើតហេតុទាស់គ្នាជាមួយភាគីម្ខាងទៀត ប៉ុន្តែគ្មានបំណងធ្វើឱ្យជននោះពិការភ្នែកទេ ។ កាលពីថ្ងៃទី១ សីហាតុលាការបានពិចារណាលើរឿងក្តីនោះ និងបញ្ជាឱ្យខ្វេះភ្នែករបស់ហាកម៉ាដម្ខាងចោល ។
សកម្មជនសិទ្ធិមនុស្សនៅបរទេសបានសម្តែងការខកចិត្តដែលបណ្តាប្រទេសនៅសហគមន៍អឺរ៉ុបមិនមានប្រតិកម្មលើការដាក់ទោសបែបនោះ ។ លើសពីនេះកាលពី២ខែមុន តុលាការអីុរ៉ង់បានសម្រេចឱ្យកាត់ដៃអ្នកទោសទាំងសងខាង និងបញ្ជាឱ្យខ្វេះភ្នែកអ្នកទោសម្នាក់ទៀតចោល ។ អីុរ៉ង់ជាប្រទេសមានច្បាប់តឹងរ៉ឹងតាំងពីលោកប្រធានាធិបតីហាស់សាន់ រ៉ូហានី ឡើងដឹកនាំប្រទេសមក គឺមានមនុស្សត្រូវប្រហារជីវិតច្រើនជាង១.៨០០នាក់ហើយ ៕
ចែករំលែកព័តមាននេះ