ផឹកស្រវឹងធ្លាក់ភ្នែកហើយ…ទៅកាន់ចង្កូតរថយន្តបើកបរ…វាជារឿងខុសច្បាប់ ។ នៅប្រទេសណាក៏ដោយលើលោកនេះ ហាមដាច់ខាតអ្នកស្រវឹង ឬអ្នកផឹក…ទៅបើកបរយានយន្ត… ផឹកស្រវឹងធ្លាក់ភ្នែកហើយ… ទៅបើកបរយានយន្តបុក ឬប៉ះគេ… វាកាន់តែខុសធ្ងន់ធ្ងរណាស់… កំហុសនេះត្រូវតែ«ជាប់គុក» ទោះបីមានប្រាក់សងគេ ក៏ត្រូវតែទទួលទោសជាដាច់ខាត…។ នគរបាលចរាចរត្រូវតែឃាត់ខ្លួនបញ្ជូនទៅសាលាដំបូងជាអ្នកចាត់ការ ។
គោរពច្បាប់ទើបធ្វើឱ្យសង្គមមានសុវត្ថិភាព មានសន្តិសុខ និងការអភិវឌ្ឍន៍…ជានីតិរដ្ឋ… ។ល។
ប៉ុន្តែនៅស្រុកយើង អ្នកខ្លះផឹកស្រវឹងធ្លាក់ភ្នែកអាងមានលុយចាយមិនចេះអស់… ប្រុសក៏ដូចស្រី… ស្ទាវ… ក៏ដូចចាស់ស្ទាវ… ស្រវឹងធ្លាក់ភ្នែកបើកឡានម៉ាសេរី… បុកគេរួចដកប្រាក់បង្ខំឱ្យគេយក… មិនយកប្រយ័ត្នអត់… សូម្បីប៉ូលិសចរាចរខ្លះនោះអត់ស្រវឹងទេ… ប៉ុន្តែធ្លាក់ភ្នែកដោយសារលុយអ្នកស្រវឹងដែរ…។ ចរាចរណ៍ខ្លះនោះមិនត្រឹមតែអត់មានកំណត់ហេតុ… អត់មានរបាយការណ៍… ថែមទាំងខំធ្វើសាក្សីរុញអ្នករងគ្រោះឱ្យទទួលយកសំណងកំប៉េកកំប៉ុកពីមនុស្សមានប្រាក់ដ៏ស្រវឹងជោកជាំនោះទៀតផង… ។ល។
ជាក់ស្តែង យប់ថ្ងៃទី២ សីហា ម៉ោងជិតពាក់កណ្តាលយប់… រថយន្តទំនើបមួយគ្រឿង ពាក់ស្លាកលេខ 2AD-7888 ដោះស្លាកលេខលាក់ទុកភ្លាមៗ… ដែលល្បីនិងកំពុងសង្ស័យថាកញ្ញាសាសាចេញពីផឹកដ៏អស្ចារ្យ… កំពុងធ្លាក់ភ្នែក… បើកបុករ៉ឺម៉កដឹកទឹកកកលាន់ដូចរន្ទះកណ្តាលក្រុងបាត់ដំបង… អត់មានអាជ្ញាធរណា… អ្នកច្បាប់ណា… រកខុសត្រូវទេ… អត់មានរដ្ឋអំណាចមួយគ្រាប់ណាចេញមុខការពារច្បាប់ទេ… ទុកឱ្យនីតិរដ្ឋ ស្រាតននលគក… ។ សួរប៉ូលិសចរាចរដែលបាននៅក្នុងហេតុការណ៍នេះ… អត់ដឹងអ្វីទាំងអស់…
ស្ត្រីម្នាក់ស្រវឹងធ្លាក់ភ្នែក… ដែលអ្នកឃើញហេតុការណ៍អាក្រក់បំផុតនោះស្គាល់ថា សង្ស័យជាកញ្ញាសាសា ដៃគូក្តីជាមួយឧកញ៉ា សុខ ប៊ុន កន្លងមក… ត្រូវបានរថយន្តមួយទៀតនាំជម្លៀសខ្លួនចេញភ្លាមៗទៅបាត់អត់មានមើលមុខអ្នករបួសឡើយ ។
កញ្ញាសាសា ដែលជានារីល្បីម្នាក់កំពុងស្ថិតក្នុងការសង្ស័យ… សង្ស័យគ្មានថ្ងៃភ្លេចនេះ… បានបដិសេធថា ពេលគ្រោះថ្នាក់នោះ គាត់នៅប្រទេសថៃឯណោះទេ ។ រថយន្តពណ៌សដ៏ទំនើបនោះដែលដោះស្លាកលេខលាក់ទុកភ្លាមៗ… ជារបស់មិត្តភក្តិប្រុសរបស់នាងនៅបាត់ដំបង…
ប៉ុន្តែនិយាយឱ្យវាប្រាកដប្រជា… និយាយឱ្យវាសច្ចៈធម៌ក្នុងនាមជាមនុស្សល្អក្នុងសង្គម… កុំនិយាយតាមបែបមនុស្សឡូយឆាយ… កុំនិយាយភូតដូចជនស្ទាវខ្លះដែលបង្កឱ្យសង្គមជួបការលំបាក… សូមប្រកាសថា នៅក្រុងបាត់ដំបងអត់មានឡានទំនើប… ដូចឡានពណ៌សដែលបុកគេនេះទេ… សូមកុំកុហកអ្នកកាសែត…
នៅភ្នំពេញរថយន្តដូចគ្នានេះជារបស់អ្នកនាងកញ្ញាសាសា… ឯនៅបាត់ដំបងគ្មានទេ !
ឡានអ្នកណា ?…អ្នកណាស្រវឹងបើកឡានបុកគេកណ្តាលយប់…បន្តិចទៀតតាមរយៈកោះសន្តិភាព…ច្បាស់ជាមានអ្នកឈប់ប្រកែកមិនខាន…មិនមែនតាមទាន់ជាន់កែងទេ… គឺតាមទាន់សុំមើលមុខ… មើលរាងតែប៉ុណ្ណោះ… ហេ ! ហេ !
អាឡេវ
ចែករំលែកព័តមាននេះ