AF កាលពីពេល ថ្មីៗកន្លងមកផ្សាយថា ក្រុមហ៊ុនបច្ចេកវិទ្យា «NETFLIX» របស់អាមេរិកអនុញ្ញាតឱ្យបុគ្គលិកទាំងបុរស ទាំងស្ត្រីឈប់សម្រាករយៈពេល១ឆ្នាំ ដោយផ្តល់ប្រាក់ែខដដែលសម្រាប់ការសម្រាល និងថែទាំកូន ។
«NETFLIX» កំពុងមានភាពល្បីរន្ទឺ ក្រៅពីប្រកាសផ្តល់សិទ្ធិឈប់សម្រាកដល់បុគ្គលិក ក៏ផ្តល់អាហារសម្រាប់ទទួលទាន៣ពេលដោយឥតគិតថ្លៃ រួមទាំងប្រាក់ឧបត្ថម្ភពិសេសដល់បុគ្គលិក ក្រៅពីប្រាក់ខែ ។
យុទ្ធសាស្ត្ររបស់ក្រុមហ៊ុនបង្កើតឡើងដើម្បីជំរុញដល់ក្រុមហ៊ុនបច្ចេកវិទ្យានានារបស់អាមេរិក ត្រូវប្រតិបត្តិទៅលើបុគ្គលិកក្នុងលក្ខណៈស្រដៀងគ្នានេះ ដើម្បីទាក់ទាញបុគ្គលិកដែលមានសមត្ថភាពឱ្យចង់នៅបម្រើការឱ្យក្រុមហ៊ុន និងទាក់ទាញអ្នកមានសមត្ថភាពចូលបម្រើការឱ្យក្រុមហ៊ុនដែរ ។
លោកថាវនី ក្រាន បុគ្គលិកផ្នែកធនធានមនុស្សនិយាយថា «NETFLIX» ជាក្រុមហ៊ុនដែលជោគជ័យលើការងារ ដោយសារចេះសម្របខ្លួនតាមកាលៈទេសៈ និងអាចរក្សាទុកបុគ្គលិកដែលមានសមត្ថភាពនៅក្នុងក្រុមហ៊ុន។ បើតាមបទពិសោធន៍របស់ក្រុមហ៊ុនឃើញថា បុគ្គលិកបំពេញការងារបានល្អប្រសើរ ប្រសិនបើគ្មានកង្វល់ពីបន្ទុកនៅក្នុងគ្រួសារ និងគោលការណ៍ថ្មីនេះគ្របដណ្តប់ទៅលើបុគ្គលិកជាង២០០០នាក់។ NETFLIX មានទីតាំងស្ថិតនៅក្រុងឡូស ហ្គាតូស រដ្ឋកាលីហ្វ៊័រនីញ៉ា សហរដ្ឋអាមេរិក ដោយបុគ្គលិកអាចចូលរួមកាន់ភាគហ៊ុននៅក្នុងក្រុមហ៊ុនបាន ៕
ចែករំលែកព័តមាននេះ