សារព័ត៌មានបរទេសផ្សាយថា គណៈកម្មការបេតិកភណ្ឌពិភពលោករបស់អង្គការសិក្សាស្រាវជ្រាវវិទ្យាសាស្ត្រ និងវប្បធម៌នៃអង្គការសហប្រជាជាតិ (UNESCO) បានបញ្ចប់កិច្ចប្រជុំលើកទី៣៩ កាលពីថ្ងៃទី៨ កក្កដា ២០១៥ នៅក្រុងប៊ើន ប្រទេសអាល្លឺម៉ង់ដោយដាក់បញ្ចូលទីតាំងចំនួន២៤ ក្នុងបញ្ជីបេតិកភណ្ឌពិភពលោក។ បច្ចុប្បន្នបេតិកភណ្ឌពិភពលោករបស់យូណេស្កូសរុប១.០៣១ ក្នុងចំណោម១៦៣ប្រទេស ។ បេតិកភណ្ឌពិភពលោកថ្មីទាំង២៤ និងតំបន់បេតិកភណ្ឌពិភពលោកចំនួន៣ទៀតប្រចាំឆ្នាំ២០១៥គឺ៖
១-កំពូលភ្នំ Blue and John Crow ប្រទេសហ្សាម៉ាអីុក ។
២-តំបន់ធូស៊ឺ ប្រទេសចិន ។
៣-ក្រុងគ្រីស្ទៀនហ្វេល ប្រទេសដាណឺម៉ាក ។
៤-ឧទ្យានបរបាញ់សត្វ «Par Force» នៅក្រុងន័រស៊ីលែន ប្រទេសដាណឺម៉ាក ។
៥-ចម្ការទំពាំងបាយជូរ «Climats» នៅស្រុកប៊ឺហ្គាន ប្រទេសបារាំង ។
៦-ចង្កេះភ្នំ, ផ្ទះ និងបន្ទប់ក្រោមដីផលិតស្រា «សាំប៉ាញ» (Champagne) បារាំង ។
៧-អគារស្ថាបត្យកម្ម «Kontorhaus» និង «Chilehaus» នៅតំបន់ «ស្បិចឆេស្តាត» ប្រទេសអាល្លឺម៉ង់ ។
៨-ក្រុងស៊ូនសា (Susa) ប្រទេសអីុរ៉ង់ ។
៩-ភូមិប្រវត្តិសាស្ត្រ «មេម៉ាន ប្រទេសអីុរ៉ង់ ។
១០-ផ្នូរ «បេតសេអារីម» (Bet She’Arim)ប្រទេសអីុស្រាអែល ។
១១-អារ៉ាប់ ន័រមេន ប៉ាល័រម៉ូ (Arab Norman Palermo) និងមហាវិហារ «សេហ្វាលូម៉ុងរ៉េអាល់» (Cefalu and Monreale) ប្រទេសអីុិតាលី ។
១២-ទីកន្លែងចាប់កកើតបដិវត្តន៍ឧស្សាហកម្មដែក បង្កើតនាវា និងអណ្តូងរ៉ែធ្យូងថ្ម របស់ជប៉ុន ។
១៣-ទីតាំងលាងបាប នៅភូមិបេថានី ប្រទេសហ្សកដានី ។
១៤-ទីកន្លែងប្រវត្តិសាស្ត្រក្នុងអាណាចក្រ «បេកជេ» (Baek je) កូរ៉េខាងត្បូង ។
១៥-ស្ពានបង្ហូរទឹករបស់ព្រះអង្គ «តេមប្លេកេ» (Tembleque) ប្រទេសម៉ិកស៊ិក ។
១៦-ភ្នំប៊ើកាន ខាលឌុន (Burkhan Khaldun) និងទីតាំងដ៏សក្តិសិទ្ធិនៅជុំវិញប្រទេសម៉ុងហ្គោលី ។
១៧-តំបន់បេតិកភណ្ឌឧស្សាហកម្ម «រ៉ាយូកាន ណុតថុតដេន» (Rjukan Notodden) ប្រទេសន័រវែស ។
១៨-រូបសិល្បៈនៅលើផ្ទាំងថ្ម ក្នុងតំបន់ Hail ប្រទេសអារ៉ាប៊ីសាអូឌីត ។
១៩-ឧទ្យានព្រឹក្សានៅសិង្ហបុរី ។
២០-ក្រុងបុរាណ «អីុហ្វ៊ីសាស» (Ephesus) នៅតួកគី ។
២១-ប៉មការពារក្រុងឌីយ៉ាបាកៀ ប្រទេសតួកគី ។
២២-ទីប្រជុំជនឧស្សាហកម្ម និងវប្បធម៌ «ហ្វ្រេបេនតូស» (Fray Bentos) ប្រទេសអ៊ុយរូហ្គាយ ។
២៣-ស្ពានរថភ្លើង «ហ្វ៊័តប្រ៊ីដ» នៅអង់គ្លេស និងអៀរឡង់ខាងជើង ។
២៤-អគារវប្បធម៌ផ្សព្វផ្សាយសាសនា «សានអានតូនីញ៉ូ មីស្សិន» សហរដ្ឋអាមេរិក ។
*ចំពោះទីតាំងបេតិកភណ្ឌពិភពលោក៣កន្លែងគឺ ៖
១-ភូមិភាគប្រមូលផ្តុំដោយពូជផ្កា «ខេបផ្លរ៉ល» (Cape Floral) នៅអាហ្វ្រិក ។
២-ផ្លូវទៅក្រុងសានឌីយ៉ាហ្គោ ដឹហ្គុមប៉ូស្តេឡា ហ្គាមីណូ ហ្វ្រ៊ីស៊ីល និងផ្លូវន័រធើន ប្រទេសអេស្ប៉ាញ ។
៣-ឧទ្យានជាតិ Phong Nha Ke Bang ប្រទេសវៀតណាម ៕
ចែករំលែកព័តមាននេះ