ខេត្តត្បូងឃ្មុំ ៖ ជនសង្ស័យ២នាក់ ដែលធ្វើសកម្មភាពលួចយកម៉ូតូ១គ្រឿង ពណ៌ព្រីងទុំ ពាក់ស្លាកលេខ70H-75359 របស់ជនជាតិវៀតណាទុកចោលអែបនឹងផ្លូវដីមួយ
កន្លែងក្នុងចំណុចព្រៃចម្ការដំឡូងខាងលិចភូមិសាទុំ ឃុំជាំក្រវៀន ស្រុកមេមត់ ។
លោកវរសេនីយ៍ត្រី ឡុង ថាវរិន្ទ អធិការរងនគរបាលស្រុកមេមត់ បានឲ្យដឹងថា ជនជាតិវៀតណាមជាម្ចាស់ម៉ូតូឈ្មោះ ត្រាន់ ងុកហាំង កំពុងដកដំឡូងនៅវេលាម៉ោង៨ព្រឹក កាលពីថ្ងៃទី៤ សីហា កន្លងទៅ ត្រូវបាជនទាំង២នាក់ខាងលើលួចយកទៅហើយបុរសម្ចាស់ម៉ូតូបានរត់ដេញពីក្រោយតែដេញមិនទាន់ ។
លោកអធិការរងនគរបាលស្រុក បានបន្តថា ផ្អែកតាមសាក្សីដែលឃើញហេតុការណ៍ដោយផ្ទាល់ភ្នែកបានស្គាល់ពីភិនភាគជនសង្ស័យទាំង២នាក់នេះ ម្នាក់ឈ្មោះ កែវ កីឡា ភេទប្រុស អាយុ១៧ឆ្នាំ និងម្នាក់ទៀតឈ្មោះ ឃិន ទូច ហៅម៉ឹង ភេទប្រុស អាយុ១៧ឆ្នាំ មានទីលំនៅភូមិមង់ ។
បន្ទាប់មក កម្លាំងនគរបាលប៉ុស្តិ៍រដ្ឋបាលមូលដ្ឋានបានបើកប្រតិបត្តិការតាមប្រមាញ់ចាប់ខ្លួនជនទាំង២នាក់នេះ លុះនៅម៉ោង២រសៀលថ្ងៃទី៧ សីហា កម្លាំងសមត្ថកិច្ចឃើញ ឈ្មោះ កែវ កីឡា ក៏បានឃាត់ខ្លួន ហើយឈានទៅឃាត់បក្សពួកបានម្នាក់ទៀត បញ្ជូនមកកាន់អធិការដ្ឋាននគរបាលស្រុកមេមត់ដើម្បីសួរនាំ និងកសាងសំណុំរឿងបញ្ជូនទៅសាលាដំបូងខេត្ត នៅព្រឹកថ្ងៃទី៩ សីហា ៕
ចែករំលែកព័តមាននេះ