ចៅអធិការវត្តសាវលីងព្រះជន្ម៥០ឆ្នាំនាមស៊ី យ៉ុងស៊ីន កាលពីពេល ថ្មីៗកន្លងមកបានជាប់ចោទពីបទប្រព្រឹត្តអំពើពុករលួយ និងលួចមានស្រីកំណាន់ដែលជាដូនជីក្នុងវត្តនោះហើយថែមទាំងមានកូនលួចលាក់ជាមួយគ្នាទៀតផង។
ចៅអធិការវត្តសាវលីងព្រះជន្ម៥០ឆ្នាំនាមស៊ី យ៉ុងស៊ីន កាលពីពេល ថ្មីៗកន្លងមកបានជាប់ចោទពីបទប្រព្រឹត្តអំពើពុករលួយ និងលួចមានស្រីកំណាន់ដែលជាដូនជីក្នុងវត្តនោះហើយថែមទាំងមានកូនលួចលាក់ជាមួយគ្នាទៀតផង។ រឿងអាស្រូវនោះធ្វើឱ្យភ្ញាក់ផ្អើលក្រោយពេលអតីតព្រះសង្ឃវត្តសាវលីងនាមស៊ី សេងយី ទម្លាយអាថ៌កំបាំងពាក់ព័ន្ធនឹងចៅអធិការវត្តសាវលីងអង្គនោះ ។
យោងតាមប្រភពព័ត៌មានក្នុងស្រុកអះអាងថា ព្រះចៅអធិការនាមស៊ី យ៉ុងស៊ីន បានយកលុយវត្តឱ្យស្រីកំណាន់របស់ខ្លួនជាង២ម៉ឺនដុល្លារ។ ក្រៅពីនេះព្រះអង្គយកលុយរបស់វត្តសាវលីងទៅប្រើប្រាស់ក្នុងគោលបំណងផ្ទាល់ខ្លួន ព្រមទាំងត្រៀមសាងសង់សណ្ឋាគារសាវលីងនៅក្នុងប្រទេសអូស្ត្រាលីទៀតផង ។
ឆ្លើយតបទៅនឹងការចោទប្រកាន់នោះចៅអធិការវត្តសាវលីងអះអាងថា លោកសង្ឃស៊ី សេងយី ត្រូវបានបណ្តេញចេញពីវត្តតាំងពីចុងឆ្នាំ១៩៨០ម្ល៉េះដោយសារតែមិនគោរពច្បាប់ទម្លាប់របស់វត្ត ។ អ្វីៗដែលជននោះលើកយកមកនិយាយសុទ្ធតែជាការមួលបង្កាច់ប៉ុណ្ណោះ ពោលគឺគ្មានភស្តុតាង និងសាក្សីទេ ។
ទោះជាយ៉ាងណាក្តីសំណុំរឿងដ៏ចម្រូងចម្រាសរវាងចៅអធិការ និងអតីតព្រះសង្ឃគង់នៅវត្តសាវលីងនេះកំពុងស្ថិតក្រោមការស៊ើបអង្កេតពីអាជ្ញាធរប្រចាំតំបន់ដើម្បីស្វែងរកការណ៍ពិត ។ ចៅអធិការវត្តសាវលីងត្រូវអាជ្ញាធរហាមមិនឱ្យនិមន្តទៅក្រៅប្រទេសឡើយ ដរាបណាការណ៍ពិតមិនទាន់រកឃើញនៅឡើយ ។
លោកសង្ឃស៊ី យ៉ុងស៊ីនបានក្លាយជាចៅអធិការវត្តសាវលីងទី១៣ បន្ទាប់ពីចៅអធិការស៊ី ស៊ីងសេង ។ ចៅអធិការសស៊ី យ៉ុងស៊ីន បានកសាងស្នាដៃសម្រាប់វត្តសាវលីង ក៏ដូចជាយកចិត្តទុកដាក់ទូន្មានព្រះសង្ឃក្នុងវត្តឱ្យគោរពតាមពុទ្ធប្បញ្ញត្តិ ។ ក្រៅពីនេះធ្លាប់បានជួបជាមួយព្រះមហាក្សត្រីយ៍អង់គ្លេស អេលី សាបែតទី២ និងនាយកប្រតិបត្តិក្រុមហ៊ុន Apple គឺលោកធីមខុក ព្រមទាំងបុគ្គលថ្នាក់ខ្ពស់លើពិភពលោកមួយចំនួនទៀត ។ ព្រះអង្គចូលចិត្តប្រើនាឡិកាអេឡិចត្រូនិករបស់ក្រុមហ៊ុន Google គឺ Google Glass និងស្មាតហ្វូនស៊េរីទំនើប iPhone 6 របស់ក្រុមហ៊ុន Apple ៕
ចែករំលែកព័តមាននេះ