សារព័ត៌មានបរទេសកាលពីពេល ថ្មីៗកន្លងមកផ្សាយថា លោក Eric Hites ជនជាតិអាមេរិក អាយុ៤០ឆ្នាំ ទម្ងន់២៥៤គីឡូក្រាម បានធាក់កង់លើចម្ងាយផ្លូវវែងឆ្ងាយ ដើម្បីសម្រកទម្ងន់ ប៉ុន្តែកង់ទ្រទម្ងន់មិនបាន ក៏វៀចខ្នងទៅមុខទៀតលែងរួច ។ កង់នោះខូចនៅពាក់កណ្តាលផ្លូវ ក្នុងក្រុងធីវើតុន ឆ្ងាយពីក្រុងហ្វេលម៉ៅ ចម្ងាយ១៤៥ គីឡូម៉ែត្រ ជាទីក្រុងចាប់ផ្តើមចេញដំណើរ ។
ក្នុងស្ថានភាពបែបនោះ ហាង «Newport Bicycle» នៅរដ្ឋរ៉ូតអីុស្លង់ បានផលិតកង់ឱ្យ Eric Hite ដោយអាចទទួលទម្ងន់បានដល់ទៅ២៥៤គីឡូក្រាម ។
ក្នុងរយៈពេល២សប្តាហ៍កន្លងមក លោក Eric Hites អាចសម្រកទម្ងន់បាន២៧គីឡូក្រាម ។
លោក Eric Hites និយាយថា រូបគេជាមនុស្សធាត់ និងមានគម្រោងសម្រកទម្ងន់ឱ្យបានជាង១០០ផោន ឬជាង៤៥គីឡូក្រាម ។ រូបគេកំពុងត្រៀមសរសេរសៀវភៅទី២ស្តីពីជីវប្រវត្តិរបស់ខ្លួន ។ សៀវភៅទី១ ជាសៀវភៅទាក់ទិននឹងការធ្វើម្ហូបអាហារមានឈ្មោះថា «Everybody Loves Ramen» បង្ហាញពីក្បួនមុខម្ហូបចំនួន៥០មុខ ដែលគេច្នៃប្រឌិតដោយខ្លួនឯង កាលពីនៅរៀន ៕
ចែករំលែកព័តមាននេះ