ឧកញ៉ារូបស្រស់ អ៊ាន សៀវម៉ី ដើរចេញពីតុលាការអត់ស្តីមួយម៉ាត់ណាឡើយ
- ភ្នំពេញ
រាជធានីភ្នំពេញ ៖ តាមព័ត៌មានចុងក្រោយថា ឧកញ៉ារូបស្រស់ អ៊ាន សៀវម៉ី ត្រូវបានលោកចៅក្រមប្រាប់យ៉ាងខ្លីថា «ឱ្យទៅផ្ទះសិន និងមាននីតិវិធីក្រោយទៀត» ។…
រាជធានីភ្នំពេញ ៖ តាមព័ត៌មានចុងក្រោយថា ឧកញ៉ារូបស្រស់ អ៊ាន សៀវម៉ី ត្រូវបានលោកចៅក្រមប្រាប់យ៉ាងខ្លីថា «ឱ្យទៅផ្ទះសិន និងមាននីតិវិធីក្រោយទៀត» ។…
រាជធានីភ្នំពេញ ៖ តាមព័ត៌មានចុងក្រោយថា ឧកញ៉ារូបស្រស់ អ៊ាន សៀវម៉ី ត្រូវបានលោកចៅក្រមប្រាប់យ៉ាងខ្លីថា «ឱ្យទៅផ្ទះសិន និងមាននីតិវិធីក្រោយទៀត» ។ ទោះបីជាបែបណា ការសាកសួរអស់ជាច្រើនម៉ោង នៅថ្ងៃទី២៩ មករា ២០២១ គិតត្រឹមម៉ោងប្រមាណ៥និង៣០នាទីល្ងាច ឧកញ៉ា អ៊ាន សៀវម៉ី ត្រូវបានអមដោយមេធាវីម្នាក់ ចាកចេញពីអគារសាលាដំបូងមកវិញ ដោយមិននិយាយស្តីមួយម៉ាត់ណាសោះជាមួយអ្នកកាសែតនានា ដែលនាំគ្នារង់ចាំនៅមុខសាលាដំបូងឡើយ ហើយបានឡើងជិះរថយន្តទំនើបឡិចស៊ីស៥៧០ ពណ៌សមួយគ្រឿងចេញទៅ។
នាយកដ្ឋាននគរបាលព្រហ្មទណ្ឌឆ្លើយតប ជុំវិញការតាមចាប់ខ្លួនឧកញ៉ា អ៊ាន សៀវមុី
យោងតាមប្រភពពីទំព័រហ្វេសបុ៊កផ្លូវការរបស់នាយកដ្ឋាននគរបាលព្រហ្មទណ្ឌ នៃអគ្គ
ស្នងការដ្ឋាននគរបាលជាតិ នាព្រឹកថ្ងៃទី២៩ ខែមករា ឆ្នាំ២០២១ ដដែលបានឲ្យដឹងថា ដោយអនុវត្តដីកាបង្គាប់ឲ្យនាំខ្លួនរបស់សាលាដំបូងរាជធានីភ្នំពេញ ចំពោះចំណាត់ការតាមចាប់ខ្លួនឧកញ៉ា អ៊ាន សៀវម៉ី គឺអនុវត្តក្នុងនាមជាមន្ដ្រីនគរបាលយុត្តិធម៌ ដើម្បីចាប់ខ្លួនជនត្រូវចោទយកមកប្រគល់ជូនចៅក្រមសុើបសួរតែប៉ុណ្ណោះ ដើម្បីធ្វើការសួរនាំ និងចាត់បន្ដតាមនីតិវិធីច្បាប់។
សូមបញ្ជាក់ ឧកញ៉ារូបស្រស់ អ៊ាន សៀវម៉ី ដែលគេស្គាល់ថា ជាអ្នកលក់ឡេតាមអនឡាញល្បីឈ្មោះ និងជាអ្នកមានស្តុកម្នាក់បានចូលខ្លួនទៅបំភ្លឺនៅចំពោះមុខចៅក្រមស៊ើបសួរ គឺលោកស្រី ស៊ លីណា តាមដីការបស់តុលាការ នារសៀលថ្ងៃទី២៩ ខែមករា ឆ្នាំ២០២១នេះ ពាក់ព័ន្ធលើបណ្តឹងបរិហារកេរ្ដិ៍ជាសាធារណៈ និងញុះញង់ឲ្យមានការរើសអើងដែលប្រព្រឹត្ដនៅរាជធានីភ្នំពេញ បន្ទាប់ពីឧកញ៉ារូបនេះបានស្នើសុំសមត្ថកិច្ចមិនឲ្យមានការចាប់ខ្លួន ក្រោយការឡោមព័ទ្ធដល់លំនៅឋានកាលពីថ្ងៃទី២៦ មករាកន្លងមកនេះ ។
គេហាក់នៅចាំថា កាលពីថ្ងៃ២៣ ធ្នូ ឆ្នាំ២០២០កន្លងមក ឧកញ៉ាសាច់សខ្ចី អ៊ាន សៀវម៉ី រូបនេះ បានបន្លំខ្លួនជិះរថយន្តម៉ាកព្រូសមកកាន់សាលាដំបូងម្ដង តែមិនដឹងថា មកបំភ្លឺតុលាការនោះជាសំណុំរឿងអ្វីទេ ។ ប្រភពដដែលបានបន្តទៀតថា ជុំវិញការឡោមព័ទ្ធវីឡាឧកញ៉ារូបស្រស់អ្នកលក់ឡេនេះ កម្លាំងសមត្ថកិច្ចចម្រុះបានចុះទៅតាមឃ្លាំមើល តាំងពី ម៉ោង១០ព្រឹកមកម្ល៉េះ ដោយមានទាំងមេធាវីដើមបណ្ដឹងក៏ចុះទៅដែរ ក្នុងបំណងអនុវត្តដីកាឃាត់ខ្លួនឧកញ៉ារូបនេះ ដោយសារមិនចូលខ្លួនតាមដីកាកោះហៅរហូតដល់វេលាម៉ោង៣និង៣០នាទីរសៀលទើបសម្រេចធ្វើការឡោមព័ទ្ធដោយកម្លាំងសមត្ថកិច្ចច្រើននាក់ ។
សូមបញ្ជាក់ទៀតថា កាលពីរសៀលថ្ងៃទី២៦ មករាកន្លងមក កម្លាំងនគរបាលព្រហ្មទណ្ឌក្រសួងមហាផ្ទៃ ដឹកនាំដោយមន្ត្រីសាលាដំបូងរាជធានីភ្នំពេញ បានធ្វើការឡោមព័ទ្ធវីឡាមួយកន្លែងរបស់ឧកញ៉ារូបស្រស់ អ៊ាន សៀវម៉ី ដែលការឡោមព័ទ្ធនេះ គឺមានបំណងឃាត់ខ្លួនទៅតាមដីកាតុលាការ ដោយសារតែមិនព្រមចូលខ្លួនបំភ្លឺតាមដីកាកោះហើយ ។ ប៉ុន្តែការឡោមព័ទ្ធនោះពុំបានចាប់ខ្លួននោះទេ ដោយឧកញ៉ារូបនោះបានគេចខ្លួន តែក្រុមអ្នកតាមដានថាការគេចខ្លួនបែបនេះមិនល្អនោះឡើយសម្រាប់ផ្លូវច្បាប់ ។
ហេតុការណ៍ឡោមព័ទ្ធនោះបានបង្កឲ្យមានការភ្ញាក់ផ្អើលកាលពីវេលាម៉ោង៣និង៣០នាទីរសៀល នៅក្នុងបុរីមូនថោន (MOON TOWN) ក្នុងភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
យោងតាមការបង្ហើបឲ្យដឹងពីមន្ត្រីនគរបាលមួយរូបដែលសុំមិនបញ្ចេញឈ្មោះបានឲ្យដឹងថា ឧកញ៉ា អ៊ាន សៀវម៉ី ដែលជាម្ចាស់វីឡាខាងលើមានរឿងបរិហារកេរ្តិ៍ទៅលើលោកជំទាវមានឥទ្ធិពល២រូបហើយត្រូវបានលោកជំទាវទាំង២រូបនោះដាក់ពាក្យប្ដឹងទៅនគរបាលក្រសួងមហាផ្ទៃ ។ ទីបំផុត សំណុំរឿងនេះបានធ្លាក់ដល់ដៃតុលាការ ទើបមានដីកាកោះអញ្ជើញឧកញ៉ាសៀវម៉ីនេះ ឲ្យចូលខ្លួនទៅបំភ្លឺនៅសាលាដំបូងរាជធានីភ្នំពេញ។
ប្រភពដដែលឱ្យដឹងថា អនុវត្តតាមដីកាបង្គាប់ឲ្យនាំខ្លួនដែលចេញដោយចៅក្រមសុើបសួរនៃសាលាដំបូងរាជធានីភ្នំពេញ និងអនុវត្តតាមតួនាទីភារកិច្ច ក្នុងនាមជាមន្ដ្រីនគរបាលយុត្តិធម៌ កម្លាំងការិយាល័យសុើបការណ៍នៃនាយកដ្ឋាននគរបាលព្រហ្មទណ្ឌ កាលពីរសៀលថ្ងៃទី២៦ ខែមករា ឆ្នាំ២០២១ បានចុះទៅចាប់ខ្លួន ឧកញ៉ា អ៊ាន សៀវម៉ី នៅផ្ទះវីឡាមួយ ក្នុងបុរីមូនថោន ភូមិគោកចំបក់ សង្កាត់ចោមចៅទី២ ខណ្ឌពោធិ៍សែនជ័យ ។
ប៉ុន្ដែការចាប់ខ្លួននោះមិនបានសម្រេចឡើយ ដោយឧកញ៉ា អ៊ាន សៀវម៉ី ដែលជាប់ពាក់ព័ន្ធនឹងបណ្ដឹងបរិហារកេរ្ដិ៍នេះ បានគេចចេញពីផ្ទះរបស់ខ្លួន ។ ដូច្នេះ បន្ទាប់ពីឡោមព័ទ្ធផ្ទះវីឡាខាងលើអស់ជាច្រើនម៉ោង និងរកមិនឃើញឧកញ៉ា អ៊ាន សៀវម៉ី កម្លាំងនាយកដ្ឋាននគរបាលព្រហ្មទណ្ឌ ក៏សម្រេចដកចេញមកវិញ ៕
ចែករំលែកព័តមាននេះ