សារព័ត៌មានបរទេសកាលពីពេល ថ្មីៗកន្លងមកផ្សាយថា ឪពុកម្តាយរបស់សិស្សជនជាតិចិនជាច្រើននាក់សម្តែងការមិនពេញចិត្ត និងអស់សង្ឃឹមដែលកូនរបស់ពួកគេប្រឡងមិនជាប់ដើម្បីបន្តការសិក្សានៅវិទ្យាល័យ
សារព័ត៌មានបរទេសកាលពីពេល ថ្មីៗកន្លងមកផ្សាយថា ឪពុកម្តាយរបស់សិស្សជនជាតិចិនជាច្រើននាក់សម្តែងការមិនពេញចិត្ត និងអស់សង្ឃឹមដែលកូនរបស់ពួកគេប្រឡងមិនជាប់ដើម្បីបន្តការសិក្សានៅវិទ្យាល័យ ដូច្នេះហើយនាំគ្នាយកដុំថ្មគរទុកនៅខាងមុខសាលារៀន ។
ហេតុការណ៍នោះកើតឡើងនៅក្នុងក្រុងសេងចូវ ខេត្តហ៊ឺណាន កាលពីពេល ថ្មីៗកន្លងមក ដោយវិទ្យាល័យមួយមានគំនរថ្មនៅខាងមុខខ្លោងទ្វារចូលបង្កឡើងដោយឪពុកម្តាយ អាណាព្យាបាលសិស្សដែលខឹងសាលារឿងកូនរបស់ពួកគេប្រឡងធ្លាក់ ។
មុនពេលយកដុំថ្មទៅគរនោះអាណាព្យាបាលសិស្សបានយកសោដ៏ធំមួយទៅចាក់របងខ្លោងទ្វារសាលា តែត្រូវសាលាកាត់ចេញ ។ ការកាត់មេសោនោះកាន់តែធ្វើឱ្យអាណាព្យាបាលសិស្សមិនពេញចិត្ត និងតបតដោយយកសំរាមទៅចោលនៅមុខសាលា ។ ក្រោយពីសាលាយកសំរាមចេញ អាណាព្យាបាលចងកំហឹងបន្ថែមទៀតដោយនាំគ្នាយកថ្មមួយគំនរធំទៅដាក់ពីមុខខ្លោងទ្វារ ។
បណ្តាឪពុកម្តាយ ឬអាណាព្យាបាលសិស្សធ្វើបែបនោះធ្វើឱ្យអ្នករស់នៅក្បែរសាលាខឹងហើយអ្នកខ្លះនិយាយថា «កូនបែបណា ឪពុកបែបនោះ វាមិនខុសពីស្លឹកឈើជ្រុះមិនឆ្ងាយពីគល់ទេ»។
ទោះជាយ៉ាងណាក្តី អ្នកភូមិម្នាក់និយាយថា បើសិស្សប្រឡងតាមធម្មតា និងយុត្តិធម៌ គឺគ្មាននរណាម្នាក់បង្ករឿងបែបនោះទេ ៕
ចែករំលែកព័តមាននេះ