ស្ថិតនៅក្នុងព្រៃជ្រៅប្រទេសឥណ្ឌូណេស៊ី អគារដ៏ចម្លែកមួយមានរាងដូចមាន់គកលាក់ខ្លួននៅទីនោះ ។ អ្នកស្រុកបានហៅអគារនោះថា Gereja Ayam មានន័យថា «ព្រះវិហារមាន់»។ បច្ចុប្បន្ននេះវាជាកន្លែងទាក់ទាញ
ស្ថិតនៅក្នុងព្រៃជ្រៅប្រទេសឥណ្ឌូណេស៊ី អគារដ៏ចម្លែកមួយមានរាងដូចមាន់គកលាក់ខ្លួននៅទីនោះ ។ អ្នកស្រុកបានហៅអគារនោះថា Gereja Ayam មានន័យថា «ព្រះវិហារមាន់»។ បច្ចុប្បន្ននេះវាជាកន្លែងទាក់ទាញអ្នកទេសចរក្នុងជ្រលងភ្នំនៃទីក្រុង Magelang ចំកណ្តាលនៃកោះជ្វា ។
អ្នកសាងសង់ព្រះវិហាររាងសណ្ឋានដូចមាន់គកនេះ គឺលោកដាញ៉ែល អាឡាមសា វ័យ ៦៧ឆ្នាំ ដែលរូបលោកធ្លាប់ធ្វើការនៅទីក្រុងហ្សាការតា ។ មានការតំណាលថា អំឡុងពេលនោះលោកដាញ៉ែល អាឡាមសា បានទទួលសារពីព្រះជាម្ចាស់ឱ្យសាងសង់ព្រះវិហារសម្រាប់អ្នកមានជំនឿសាសនា ផ្សេងៗដោយមានរាងជាសត្វព្រាប ។ លោកដាញ៉ែល អាឡាមសា ចាប់ផ្តើមសញ្ជឹងគិតពីគម្រោងសាងសង់ក្នុងឆ្នាំ១៩៨៩ ហើយពេលលោកទៅលេងផ្ទះសាច់ញាតិរបស់ប្រពន្ធ លោកក៏គិតឃើញពីរូបរាងនៃគម្រោងគឺសត្វមាន់ទៅវិញ ។
អគារនោះបានសាងសង់ឡើងក្នុងឆ្នាំ១៩៩៤ ដោយអ្នកស្រុកបានឱ្យដីទំហំប្រមាណ៣ពាន់ម៉ែត្រការ៉េ ។
បច្ចុប្បន្នព្រះវិហារមាន់ផ្តល់ជាជម្រកសម្រាប់បរិស័ទនៃសាសនា ផ្សេងៗ ឬសម្រាប់ជាកន្លែងជ្រកកោនរបស់មនុស្សអនាថា អ្នកញៀនថ្នាំ ដោយមានបន្ទប់ចំនួន១៥ រួមទាំងបន្ទប់ទឹកផង ៕
ចែករំលែកព័តមាននេះ