ឆ្នាំ១៨០៣
ចក្រភពអង់គ្លេសបានលុបចោលសន្ធិសញាសន្ដិភាពដែលធ្វើឡើងនាឆ្នាំ១៨០២ ជាមួយបារាំង ហើយថែមទាំងប្រកាសសង្គ្រាមជាមួយប្រទេសបារាំងទៀត ។
ឆ្នាំ១៨០៤
ណាប៉ូឡេអុង បូណាប៉ាត បានឡើងគ្រងរាជ្យជាព្រះចៅអធិរាជនៃប្រទេសបារាំងតាមការប្រកាសរបស់ព្រឹទ្ធសភាបារាំង ។
ឆ្នាំ១៨៦៩
សាធារណរដ្ឋអ៊ីហ្សូដែលកកើតនៅឆ្នាំ១៨៦៨ បានដួលរលំ និងចុះចូលជាមួយប្រទេសជប៉ុន ។
ឆ្នាំ១៨៩៦
ក្នុងពិធីឡើងគ្រងរាជសម្បត្ដិរបស់ស្ដេចត្យារនីកូឡាទីពីរ ដែលបានរៀបចំនៅវាលកូ ឌីនកា ក្នុងទីក្រុងមូស្គូមានពាក្យចចាម អារ៉ាមថា ក្នុងពិធីនេះគ្មានស្រាបៀរ ឬម្ហូបគ្រប់គ្រាន់ សំរាប់អ្នកចូលរួមទេ ។ ម្យ៉ាងទៀត ប៉ូលិស១.៨០០នាក់ ដែលនៅទីនោះមិនអាចទប់ទល់ការផ្អើលនេះបានបណ្ដាលឱ្យមានមនុស្សរត់ជាន់គ្នាស្លាប់អស់១.៣៨៩នាក់ របួស១.៣០០នាក់ ។ ពិធីបុណ្យឡើងគ្រងរាជ្យនេះបានរៀបចំធ្វើតាំងពីថ្ងៃទី១៣ ឧសភា មកម្ល៉េះ ។
ឆ្នាំ១៨៩៧
រឿងដ្រាគូឡា ឬបិសាចជញ្ជក់ឈាម ដែលនិពន្ធដោយកវីជាតិអៀរឡង់ ឈ្មោះប្រាមស្ដុកឃ័រ ត្រូវបានគេបោះពុម្ពផ្សាយ ។
ឆ្នាំ១៩១០
ភពផែនដីបានធ្វើដំណើរឆ្លងកាត់កន្ទុយនៃកញ្ចុំផ្កាយហាឡី ហើយរៀងរាល់៧៥ទៅ៧៦ឆ្នាំ តែងតែមានហេតុការណ៍នេះម្ដង ។
ឆ្នាំ១៩៤៤
កងទ័ពសម្ព័ន្ធមិត្ដបានធ្វើការវាយលុក តំបន់ម៉ុងកាស៊ីណូរបស់ទីក្រុងរ៉ូម ប្រទេសអ៊ីតាលី ដើម្បីបំបែកខ្សែការពារអាល្លឺម៉ង់ និងឡោមព័ទ្ធទីក្រុងរ៉ូមផងនោះ បានទទួលជោគជ័យដោយ ធ្វើឱ្យកងទ័ពអាល្លឺម៉ង់ដកថយ ។ ផែនការនេះកងទ័ពសម្ព័ន្ធមិត្ដមានចំនួនសរុប១០៥ពាន់នាក់ ស្លាប់១០ម៉ឺននាក់ ចំណែកកងទ័ពអាល្លឺម៉ង់មាន៨០.០០០នាក់មិនដឹងចំនួនអ្នកស្លាប់ តែឃើញផ្នូរនៅទីនោះចំនួន២០.០២៧ ។
ឆ្នាំ១៩៤៨
សភាទីមួយនៃសាធារណរដ្ឋចិនបានបើកកិច្ចប្រជុំជាផ្លូវការនៅក្នុងទីក្រុងណាងឃីង ។
ឆ្នាំ១៩៥៣
នាងហ្សាកលីន កូសរ៉ង ដែលជាអ្នកបើកបរយន្ដហោះទីមួយរបស់អាមេរិកបានបំបែកឯតទគ្គកម្មបើកបរយន្ដហោះលឿនជាងសំលេង ។
ឆ្នាំ១៩៥៨
យន្ដហោះចំបាំង F-014 Starfighter បានបង្កើតកំណត់ត្រាល្បឿនហោះហើរថ្មី២២៥៩,៨២គីឡូម៉ែត្រ ក្នុងមួយម៉ោង ។
ឆ្នាំ១៩៧៤
នៅក្រោមផែនការព្រះពុទ្ធញញឹម ដែលជាពាក្យសំងាត់នៃប្រតិបត្ដិការសាកល្បងអាវុធនុយក្លេអ៊ែរ ប្រទេសឥណ្ឌាបានធ្វើការសាកល្បងអាវុធនុយក្លេអ៊ែរទីមួយដោយជោគជ័យ ហើយបានក្លាយជាប្រទេសទី៦ ដែលមាននុយក្លេអ៊ែរ ។
ឆ្នាំ១៩៨០
មានគ្រោះថ្នាក់ផ្ទុះភ្នំភ្លើងឈ្មោះហេឡាននាទីក្រុងវ៉ាស៊ីនតោន សហរដ្ឋអាមេរិក បណ្ដាលឱ្យស្លាប់មនុស្ស៥៧នាក់ ខូចខាត គិតជាទឹកប្រាក់ប្រហែល៣ពាន់លានដុល្លារ ។
ឆ្នាំ១៩៩០
នៅប្រទេសបារាំង រថភ្លើង TGV បានបង្កើតកំណត់ត្រាល្បឿនពិភពលោកថ្មី គឺរត់បានល្បឿន៥១៥,៣គីឡូម៉ែត្រក្នុងមួយ ម៉ោង ។
ឆ្នាំ២០០៤
លោកសូនី គន្ធី បានឡើងកាន់តំណែងជា នាយករដ្ឋមន្ដ្រីនៃប្រទេសឥណ្ឌា ។
ឆ្នាំ២០០៧
មានបាតុកម្មកើតឡើងក្នុងខេត្ដហ្កាងស៊ី ប្រទេសចិន ប្រឆាំងនឹងគោលនយោបាយកូនមួយរបស់រដ្ឋាភិបាល ។
ឆ្នាំ២០០៨
ចំនួនមនុស្សស្លាប់ក្នុងគ្រោះរញ្ជួយដីក្នុងខេត្ដស៊ីឈួន ប្រទេសចិនបានឡើងដល់៣២.៤៤៧នាក់ បាត់ខ្លួន១៤.០០០នាក់ ហើយមានមនុស្ស២០៥.០០០នាក់ផ្សេងទៀតត្រូវភៀសខ្លួនចេញ ។
ឆ្នាំ២០០៩
លោកស្រី Dalia Grybauskaite ត្រូវបានគេបោះឆ្នោតជ្រើសរើសជាប្រធានាធិបតីស្រីទីមួយនៃប្រទេសលីទុយអានី ៕
ចែករំលែកព័តមាននេះ