ខេត្តកណ្តាល ៖ នៅព្រឹកថ្ងៃទី២៧ ខែមករា ឆ្នាំ២០២១នេះ នៅសាលាដំបូងខេត្តកណ្តាលបានបើកសវនាការសំណុំរឿងជំនុំជម្រះរបស់លោកគឹម សុវណ្ណ មេបញ្ជាការផ្នែកសឹករង ស្រុកកៀនស្វាយ ដែលត្រូវបានកម្លាំងនគរបាលព្រហ្មទណ្ឌក្រសួងមហាផ្ទៃ ចាប់ខ្លួននៅថ្ងៃទី១៨ ខែមីនា ឆ្នាំ២០២០ តាមដីការរបស់លោក ងួន វុទ្ធី ចៅក្រមជំនុំជម្រះសាលាដំបូងខេត្តកណ្តាល ពាក់ព័ន្ធបទល្មើសលួចយកអចលនទ្រព្យអ្នកដទៃទៅលក់។
ក្នុងសវនាការសំណុំរឿងជំនុំជម្រះខាងលើនេះមានការចូលរួមពីលោក ជា សុខហៀង ប្រធានក្រុមប្រឹក្សាជំនុំជម្រះ លោកស្រី ហេង ផល្លា ជាចៅក្រមជំនុំជម្រះ លោក វ៉ាន់ សុបញ្ញា ជាចៅក្រមជម្រះ និងលោក ឯក ស៊ុនរស្មី ជាតំណាងអយ្យការ ។
បន្ទាប់ពីសាកសួរអស់រយពេលជាច្រើនម៉ោងតុលាការសម្រេចប្រកាសសាលក្រមនៅថ្ងៃទី៤ ខែកុម្ភះ ឆ្នាំ២០២១ ខាងមុខនេះ។
លោក ទិន សុចិត្រា ព្រះរាជអាជ្ញារងនិងជាអ្នកនាំពាក្យអយ្យការសាលាដំបូងខេត្តកណ្តាល បានថ្លែងអោយដឹង នៅរសៀលថ្ងៃទី១៨ ខែមីនា ឆ្នាំ២០២០ ថា: ពិតជាមានការចាប់ខ្លួនលោក គឹម សុវណ្ណ ប្រាកដមែន ដោយកម្លាំងនគរបាលព្រហ្មទណ្ឌក្រសួងមហាផ្ទៃ តាមដីកាបង្គាប់អោយចាប់ខ្លួនរបស់លោក ងួន វុទ្ធី ចៅក្រមជំនុំជម្រះសាលាដំបូងខេត្តកណ្តាល ។
លោក ទិន សុចិត្រា អះអាងថា: ពេលនេះ លោ ក គឹម សុវណ្ណ ត្រូវបានបញ្ជូនទៅឃុំខ្លួនក្នុងពន្ធនាគារហើយ ដោយតុលាការបានចោទពីរ លួចយកដោយខុសច្បាប់នូវអចលន:ទ្រព្យ(លួចដី)។
លោក គឹម សុវណ្ណ មេបញ្ជាការរូបនេះ និងបក្ខពួក កន្លងមកលោកតែងតែធ្លាប់បានរកស៊ីរៀបដី មានន័យថា ទិញដីសប្បទាន ពីប្រជាពលរដ្ឋ ឲ្យទៅមេឈ្មួញធំ..ៗ តែពេលនេះរកដីអោយមេឈ្មួញដែលគេអោយប្រាក់ ហើយគ្មានដី ត្រូវជាប់សម្នាញ់ច្បាប់ ដោយលោក គឹម.សុវណ្ណ ត្រូវបានតុលាការខេត្តកណ្ដាល បានចេញដីការឲ្យចូលខ្លួនជាច្រើនដងរួចមកហើយ តែលោកបានព្យាយាមគេចវេសមិនចូលខ្លួនតាមអណាចសាលដីការ។
លោក ទិន សុចិត្រា ព្រះរាជអជ្ញារង និងជាអ្ននាំពាក្យសាលាដំបូងខេត្តកណ្ដាល បានបញ្ជាក់ថែមទៀតថា: លោក គឹម សុវណ្ណ អាយុ៥២ឆ្នាំរស់ភូមិទួលត្នោត ឃុំគគីរ ស្រុកកៀនស្វាយ ខេត្តកណ្ដាល។ហើយលោក សុវណ្ណ ត្រូវបានផ្ដន្ទាទោសតាមក្រមព្រហ្មទណ្ឌលេខ ១៨៣(គ)ចុះថ្ងៃ ទី២៤ ខែឧសភា ឆ្នាំ២០១៨របស់សាលាដំបូងខេត្តកណ្ដាល ហើយត្រូវបានជាប់ពន្ធនាគារចំនួន១ឆ្នាំ។
លោក ង៉េង ជួ ប្រធាននាយកដ្ឋាននគរបាលព្រហ្មទណ្ឌនៃអគ្គស្នងការដ្ឋាននគរបាលជាតិក្រសួងមហាផ្ទៃបានបញ្ជាក់កាលពីម្សិលមិញដែរថា កម្លាំងសមត្ថកិច្ចនៃនាយកដ្ឋាននគរបាលព្រហ្មទណ្ឌបានអនុវត្ដតាមសាលដីកាបង្គាប់ឱ្យឃាត់ខ្លួនឈ្មោះ គឹម សុវណ្ណ របស់តុលាការខេត្ដកណ្ដាលទើបសមត្ថកិច្ចចុះស្រាវជ្រាវរហូតឈានដល់ការឃាត់ខ្លួនបានកាលពីថ្ងៃទី ១៨ ខែមីនា រួចបានបញ្ជូនទៅកាន់តុលាការ ៕
ចែករំលែកព័តមាននេះ