រាជធានីភ្នំពេញ ៖ ករណីម្តាយកាប់កូនស្រីចុង១កាំបិត បណ្តាលឲ្យរងបួសក្បាលរួចឱ្យពាក់មួកសុវត្ថិភាពដឹកទៅពេទ្យ ចៃដន្យចុះជ្រុះមួកផ្អើលដ៏ប្រជាពលរដ្ឋនោះ ជាក់ស្តែងមិនមែនជាអំពើហិង្សាទេ គឺជាការរអិលដួលដោយខ្លួនឯង នៅក្នុងបន្ទប់ទឹកតែប៉ុណ្ណោះ បន្ទាប់ពីលោកអធិការនគរបាលខណ្ឌពោធិ៍សែនជ័យ បានចុះស្រាវជ្រាវដោយផ្ទាល់ដល់ផ្ទះកើតហេតុ…
រាជធានីភ្នំពេញ ៖ ករណីម្តាយកាប់កូនស្រីចុង១កាំបិត បណ្តាលឲ្យរងបួសក្បាលរួចឱ្យពាក់មួកសុវត្ថិភាពដឹកទៅពេទ្យ ចៃដន្យចុះជ្រុះមួកផ្អើលដ៏ប្រជាពលរដ្ឋនោះ ជាក់ស្តែងមិនមែនជាអំពើហិង្សាទេ គឺជាការរអិលដួលដោយខ្លួនឯង នៅក្នុងបន្ទប់ទឹកតែប៉ុណ្ណោះ បន្ទាប់ពីលោកអធិការនគរបាលខណ្ឌពោធិ៍សែនជ័យ បានចុះស្រាវជ្រាវដោយផ្ទាល់ដល់ផ្ទះកើតហេតុ ។
រឿងរ៉ាវខាងលើនេះ បង្កឱ្យមានកាភ្ញាក់ផ្អើលកាលពីម៉ោង៧យប់ថ្ងៃទី២៥ ខែមករា ឆ្នាំ២០២១ ស្ថិតនៅភូមិប្រប្រកខាងជើង សង្កាត់កាកាបទី១ ខណ្ឌពោធិ៍សែនជ័យ ។
បន្ទាប់ពីទទួលបានបទបញ្ជារបស់ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ឲ្យចុះស្រាវជ្រាវករណីខាងនេះ ឲ្យបានត្រឹមត្រូវ និងច្បាស់លាស់រួចមក លោកវរសេនីយ៍ទោ ម៉ន វុធី អធិការនគរបាលខណ្ឌពោធិ៍សែនជ័យ បានដឹកនាំមន្ត្រីជំនាញ ចុះស្រាវជ្រាវ ដោយផ្ទាល់ដល់ផ្ទះក្មេងស្រីជនរងគ្រោះ ដោយយោងតាមចម្លើយបញ្ជាក់របស់ក្មេងស្រីរងគ្រោះ នាងបានបញ្ជាក់ប្រាប់សមត្ថកិច្ចថា កាលពីល្ងាចថ្ងៃទី២៥ ខែមករា ឆ្នាំ២០២១ ពិតជាមានការឈ្លោះប្រកែកគ្នា ជាមួយម្តាយមែន ដោយសារខ្លួនមិនចេះធ្វើត្រី បន្ទាប់មក ពេលនាងដើរចេញទៅបន្ទប់ទឹក ក៏រអិលជើងដួលបែកក្បាល ហើយក៏បានហៅប្អូន និងម្តាយ ដើម្បីជូន ទៅមន្ទីរពេទ្យភ្លាមៗផងដែរ ។
ជាមួយនោះដែរឪពុក ក៏បានបញ្ជាក់ថា ជាករណីរអិលជើងដួល មិនមែនជាករណីម្តាយកាប់កូនស្រីចុង១កាំបិត នោះទេ ។
នៅថ្ងៃទី២៧ ខែមករា ឆ្នាំ២០២១ លោកអធិការខណ្ឌពោធិ៍សែនជ័យ ក៏បាននាំជនរងគ្រោះ និងឪពុកម្តាយ មកសាកសួរ បន្ថែមនៅអធិការដ្ឋាន ទាំងអស់គ្នា មានទាំងកូនស្រី និងឪពុក នៅតែផ្តល់ចម្លើយដដែល ថារអិលជើងដួលដោយខ្លួនឯង នៅចំពោះមុខលោកស្រីប្រធានមន្ទីរសង្គមកិច្ច លោកអភិបាលរង និងតំណាងចៅសង្កាត់កាកាប១ ដែលចូលរួមក្នុងការសាកសួរនោះផងដែរ ។
ក្រោយធ្វើការស្រាវជ្រាវ និងសាកសួររួចមក សមត្ថកិច្ចក៏បានប្រគល់ក្មេងស្រីនេះ ទៅមន្ទីរសង្គមកិច្ច ដើម្បីយកទៅព្យាបាលរបួសឲ្យបានជាសះស្បើយ ជាមួយគ្នានោះ ដោយក្តីអាណិត លោកអធិការ ក៏បានជួយឧបត្ថម្ភថវិកាមួយចំនួន ដល់ក្មេងស្រីរងគ្រោះផងដែរ ។
អត្ថបទពាក់ព័ន្ធនឹងករណីខាងលើនេះ ៖ កាប់កូនស្រីចុង១កាំបិត រួចឱ្យពាក់មួកសុវត្ថិភាពដឹកទៅពេទ្យ ចៃដន្យចុះជ្រុះមួកផ្អើល ៕
ចែករំលែកព័តមាននេះ