អង់គ្លេស ៖ លោក Pep Guardiola បាននិយាយថាអ្នកចាត់ការទូទៅទាំងអស់សុទ្ធតែដឹងថា ពួកគេប្រឈមនឹងការបណ្តេញចេញពីតំណែង ប្រសិនបើពួកគេមិនទទួលបានលទ្ធផលល្អ ខណៈការលើកឡើងនេះ កើតឡើងក្រោយពេលដែល…
អង់គ្លេស ៖ លោក Pep Guardiola បាននិយាយថាអ្នកចាត់ការទូទៅទាំងអស់សុទ្ធតែដឹងថា ពួកគេប្រឈមនឹងការបណ្តេញចេញពីតំណែង ប្រសិនបើពួកគេមិនទទួលបានលទ្ធផលល្អ ខណៈការលើកឡើងនេះ កើតឡើងក្រោយពេលដែល Frank Lampard ត្រូវក្លិបតោខៀវ Chelsea បណ្តេញចេញពីតំណែងកាលពីម្សិលមិញ។
Lampard ដែលជាអតីតខ្សែបម្រើក្រុម Chelsea និង Manchester City បានទទួលបន្ទុកដឹកនាំនៅ Stamford Bridge ត្រឹមតែជាង១៨ខែប៉ុណ្ណោះ ដោយសារតែលទ្ធផលចាញ់៥ប្រកួតក្នុងចំណោម៨ប្រកួតចុងក្រោយរបស់ពួកគេ ជាហេតុនាំឱ្យម្ចាស់ក្លិបគឺលោក Roman Abramovich អស់សេចក្តីទុកចិត្តឱ្យរូបគេដឹកនាំបន្ត។
ជុំវិញរឿងរ៉ាវនេះ លោក Pep Guardiola បានបង្ហាញទស្សនៈពិសេសមួយថា «អ្នកចាត់ការទូទៅទាំងអស់ ទាំងចាស់និងក្មេងត្រូវតែឈ្នះ។ បើទោះបីជាគ្រប់គ្នាតែងតែនិយាយអំពីគម្រោង និងគោលគំនិត ប៉ុន្តែទាំងនេះមិនមានទៀតទេសម្រាប់ពេលបច្ចុប្បន្ន។ អ្នកត្រូវតែបង្ហាញលទ្ធផលឈ្នះ បើមិនដូច្នោះទេ អ្នកនឹងត្រូវបណ្តេញចេញ និងជំនួសដោយអ្នកថ្មីផ្សេងទៀត»៕ (ដកស្រង់ចេញពី Goal.com)
ចែករំលែកព័តមាននេះ