AFP ផ្សាយកាលពីពេល ថ្មីៗនេះថា មនុស្សយ៉ាងតិច១១នាក់ស្លា.ប់ និងច្រើននាក់រងរបួសនៅក្នុងការប្រយុទ្ធគ្នារវាងក្រុមជនអំបូរភាគតិច២ក្រុម ក្នុងព្រៃដាច់ស្រយាលនៅប្រទេសប៉ាពូអាស៊ី នូវែលហ្គីណេ ។
AFP ផ្សាយកាលពីពេល ថ្មីៗនេះថា មនុស្សយ៉ាងតិច១១នាក់ស្លាប់ និងច្រើននាក់រងរបួសនៅក្នុងការប្រយុទ្ធគ្នារវាងក្រុមជនអំបូរភាគតិច២ក្រុម ក្នុងព្រៃដាច់ស្រយាលនៅប្រទេសប៉ាពូអាស៊ី នូវែលហ្គីណេ ។
សារព័ត៌មាន «ប៉ុស្តិ៍ឃ័ររៀ» ផ្សាយថា ក្នុងចំណោមអ្នកស្លាប់នោះមានកុមារ២នាក់ និងស្ត្រីមានផ្ទៃពោះម្នាក់ ។ មានអ្នករបួសជាច្រើននាក់ទៀតដោយការប្រយុទ្ធគ្នាប្រើកាំភ្លើងនៅក្នុងព្រៃជ្រៅនាភាគខាងលិចប្រទេស ដែលអាចចូលទៅដល់ដោយឧទ្ធម្ភាគចក្រនេះ ។
លោកម៉ាទីន ឡាការី អធិការប៉ូលិសខេត្តវេសធើនហាយលែន បញ្ជាក់ប្រាប់សារព័ត៌មានក្នុងស្រុកថា សមត្ថកិច្ចកំពុងព្យាយាមបញ្ឈប់ការវាយប្រហារគ្នារវាងជនអំបូរ «ឃូឃូរីន» (Kukurin) និង «យ៉ាប៉េតាលីន» (Yapetalin) ដែលនៅតំបន់ឆ្ងាយដាច់ស្រយាល ។ លោកអធិការនិយាយថា «ខ្ញុំកំពុងព្យាយាមធ្វើឱុ្យពលរដ្ឋទូទាំងប្រទេសបានដឹងឮពីការប្រយុទ្ធស៊ីសាច់ហុតឈាមគ្នារវាងជនអំបូរភាគតិច២ក្រុមនោះ ព្រោះកំពុងកើតមាននៅតំបន់ដាច់ស្រយាលក្នុងប្រទេសរបស់យើង ។ សមត្ថកិច្ចអាចចូលទៅដល់ដោយប្រើឧទ្ធម្ភាគចក្រ និងនៅមិនទាន់បញ្ចប់ការវាយប្រហារគ្នានៅឡើយទេ» ។
កាសែត «ដឹណេស្យូណាល់» ផ្សាយថា ជនអំបូរ Kukurin បានសងសឹកសម្លាប់ជនអំបូរ Yapetalin ចំនួន៦នាក់ ក្រោយពីសមាជិករបស់គេ៥នាក់ត្រូវសម្លាប់នៅក្នុងខែមិថុនាកន្លងទៅ ។
បច្ចុប្បន្ននៅមិនទាន់ដឹងថា តើមកពីហេតុអ្វីបានជាមានការប៉ះទង្គិចគ្នានោះទេ ប៉ុន្តែកាសែត «ប៉ុស្តិ៍ ឃ័ររៀ» បញ្ជាក់ថា ក្រុមអំបូរភាគតិចទាំង២នោះ មានជម្លោះនឹងគ្នាអស់រយៈពេលជាង៣០ឆ្នាំមកហើយ និងបានបាត់បង់បុរសជាច្រើននាក់ ខណៈពេលស្ត្រីមានចំនួនកើនឡើង។ ប៉ាពូអាស៊ី នូវែលហ្គីណេ ជាប្រទេសនៅលើប្រជុំកោះដែលប្រជាជនភាគច្រើនរស់នៅតាមបែបបុរាណ និងស្ថិតនៅតំបន់ដាច់ស្រយាល ៕
ចែករំលែកព័តមាននេះ