រាជធានីភ្នំពេញ ៖ ក្រសួងសុខាភិបាលបានបញ្ជាក់ នៅថ្ងៃទី២៥ ខែមករា ឆ្នាំ២០២១ ថាបានព្យាបាលពលករខ្មែរមកពីប្រទេសថៃដែលឆ្លងជំងឺកូវីដ១៩ ជាសះស្បើយចំនួន៤នាក់ខណៈរកមិនឃើញអ្នកឆ្លងថ្មីនោះទេ ។
យោងតាមសេចក្តីប្រកាសព័ត៌មានរបស់ក្រសួងសុខាភិបាលឲ្យដឹងថា មិនមានករណីវិជ្ជមានវីរុសកូវីដ-១៩ ថ្មីនោះទេ តែមានករណីជាសះស្បើយសរុបចំនួន០៤នាក់ ដែលជាពលករធ្វើដំណើរមកពីប្រទេសថៃ ។
ក្រសួងបានឲ្យដឹងថា អ្នកព្យាបាលជាសះស្បើយមាន ៖
១-ស្ត្រីជនជាតិខ្មែរ អាយុ២៦ឆ្នាំ មានអាសយដ្ឋានស្នាក់នៅសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ បានធ្វើដំណើរមកពីប្រទេសថៃមកដល់កម្ពុជា នៅថ្ងៃទី១១ ខែមករា ឆ្នាំ២០២១ ។
២ – ស្ត្រីជនជាតិខ្មែរ អាយុ២៥ឆ្នាំ មានអាសយដ្ឋានស្នាក់នៅសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានធ្វើដំណើរមកពីប្រទេសថៃ មកដល់កម្ពុជា នៅថ្ងៃទី១២ ខែមករា ឆ្នាំ២០២១ ។
៣- បុរសជនជាតិខ្មែរ អាយុ៣៣ឆ្នាំ មានអាសយដ្ឋានស្នាក់ឃុំតាពូង ស្រុកថ្មគោល ខេត្តបាត់ដំបង បានធ្វើដំណើរមកពីប្រទេសថៃមកដល់កម្ពុជា នៅថ្ងៃទី១២ ខែមករា ឆ្នាំ២០២១ ។
៤- ស្ត្រីជនជាតិខ្មែរ អាយុ២៦ឆ្នាំ មានអាសយដ្ឋានស្នាក់នៅសង្កាត់ប៉ោយប៉ែត ក្រុងប៉ោយប៉ែតខេត្តបន្ទាយមានជ័យ បានធ្វើដំណើរមកពីប្រទេសថៃ មកដល់កម្ពុជា នៅថ្ងៃទី១២ ខែមករា ឆ្នាំ២០២១ ។ ក្រសួងបានកត់សម្គាល់ថា បុគ្គលទាំង ៤រូបខាងលើនេះ ត្រូវបានព្យាបាលជាសះស្បើយ ដោយទទួលបានលទ្ធផលតេស្តអវិជ្ជមានវីរុសកូវីដ-១៩ ចំនួន២លើក ត្រូវបានអនុញ្ញាតឲ្យចេញពីមន្ទីរពេទ្យ បង្អែកខេត្តបន្ទាយមានជ័យ ។
សូមជម្រាបថា គិតមកដល់ថ្ងៃទី២៥ មករា ឆ្នាំ២០២១ ក្រសួងសុខាភិបាលកម្ពុជាបានរកឃើញអ្នកឆ្លងជំងឺកូវីដ១៩ សរុបចំនួន៤៥៨នាក់ បានព្យាបាលជាសះស្បើយចំនួន៤០៩នាក់ និងកំពុងសម្រាកព្យាបាលនៅមន្ទីរពេទ្យចំនួន ៤៩នាក់ ៕
ចែករំលែកព័តមាននេះ