ការបើកបររថយន្តលេខដៃអាចជួបការលំបាកក្នុងការអនុវត្តជាងលេខអូតូ ពិសេសខណៈពេលលោកអ្នកបំលាស់ទីរថយន្តឡើងទីទួល ដែលអ្នកកាន់ចង្កូតរថយន្តជាច្រើនអាចគាប់ជួនត្រូវរលត់ម៉ាស៊ីន ខណៈពួកគាត់បញ្ចូលលេខឡើងទួល ឬឡើងចំណោតភ្នំក្នុងតំណែងលេខ១ ជាហេតុប្រឈមនឹងហានិភ័យយ៉ាងខ្លាំង។ ដូចនេះសូមណែនាំពីវិធីសាស្ត្របញ្ចូលលេខ១ក្នុងពេលបើករថយន្តឡើងផ្លូវចោត ឬទីទួលខ្ពស់កុំឲ្យជួបបញ្ហាដូចតទៅ ៖
១-រក្សាជើងឆ្វេងលើឈ្នាន់អំប្រាយ៉ា ជាន់ដាក់ទៅលើឈ្នាន់ហ្គាជាមួយនឹងជើងខាងស្តាំរហូតដល់អ្នកឮសំឡេងម៉ាស៊ីនចាប់ផ្តើមបង្កើនល្បឿនរង្វិលជុំបន្តិចម្តងៗ ។
២-សម្រួលដកជើងឆ្វេងចេញពីឈ្នាន់អំប្រាយ៉ាយឺតៗ ស្របពេលជើងស្តាំបន្តបន្ថែមសម្ពាធខ្លាំងបន្តិចលើឈ្នាន់ហ្គា ។
៣-នៅពេលរថយន្តចាប់ផ្តើមផ្លាស់ទី ម៉ាស៊ីនក៏ចាប់ផ្តើមបង្កើនរង្វិលជុំម៉ាស៊ីនខ្លាំងឡើងៗសាជាថ្មីដែរ ។ ដូច្នេះអ្នកជាន់អំប្រាយ៉ាគ្រប់ពេលជាមួយនឹងជើងឆ្វេង ហើយលែងឈ្នាន់ហ្គាដែលនៅជើងខាងស្តាំ ។
៤-រំកិលចង្កឹះលេខទៅក្នុងតំណែងលេខទី២ដោយប្រើដៃខាងស្តាំ ។
៥-បង្កើនការជាន់ហ្គាជាមួយជើងខាងស្តាំទុកជើងឆ្វេងស្ថិតនៅលើឈ្នាន់ហ្គាគ្រប់ពេល ។
៦-ពេលម៉ាស៊ីនរថយន្តចាប់ផ្តើមបង្កើនកម្លាំងរង្វិលជុំឡើងវិញ លែងជើងឆ្វេងយ៉ាងស្បឺតៗពីឈ្នាន់អំប្រាយ៉ា ស្របពេលជើងស្តាំបន្តដាក់សម្ពាធលើឈ្នាន់ហ្គា ។
អនុវត្តនូវ វិធីសាស្ត្របែបនេះនៅគ្រប់តំណែងលេខទាំងអស់ជាការស្រេច ៕
ចែករំលែកព័តមាននេះ