រាជធានីភ្នំពេញ ៖ បុរសម្នាក់សង្ស័យជាមន្ត្រីយោធា បានបើករថយន្តឡិចស៊ីសរបស់ខ្លួនឡើងលើខឿនរង្វង់មូលវត្តភ្នំ និងបុកដើមគគីរមួយដើមទៀត បណ្តាលឱ្យរថយន្តបែកកង់មុខទាំង២ផ្ទុះពោងសុវត្ថិភាព និងខូចខាតផ្នែកមុខទាំងស្រុងទៅមុខលែងរួច បង្កឱ្យមានការភ្ញាក់ផ្អើលកាលពីវេលាម៉ោង១០ និង៤០នាទីយប់ថ្ងៃទី២៨ កក្កដា ២០១៥ ស្ថិតនៅតាមបណ្តោយផ្លូវព្រះនរត្តម ក្នុងសង្កាត់
រាជធានីភ្នំពេញ ៖ បុរសម្នាក់សង្ស័យជាមន្ត្រីយោធា បានបើករថយន្តឡិចស៊ីសរបស់ខ្លួនឡើងលើខឿនរង្វង់មូលវត្តភ្នំ និងបុកដើមគគីរមួយដើមទៀត បណ្តាលឱ្យរថយន្តបែកកង់មុខទាំង២ផ្ទុះពោងសុវត្ថិភាព និងខូចខាតផ្នែកមុខទាំងស្រុងទៅមុខលែងរួច បង្កឱ្យមានការភ្ញាក់ផ្អើលកាលពីវេលាម៉ោង១០ និង៤០នាទីយប់ថ្ងៃទី២៨ កក្កដា ២០១៥ ស្ថិតនៅតាមបណ្តោយផ្លូវព្រះនរត្តម ក្នុងសង្កាត់វត្តភ្នំ ខណ្ឌដូនពេញ ។
បុរសបង្កមិនត្រូវស្គាល់អត្តសញ្ញាណទេ ស្លៀកខោប៉ារ៉ាពាក់អាវយឺត អាយុប្រហែល៣៥ឆ្នាំ បើករថយន្តមួយគ្រឿងម៉ាកឡិចស៊ីសRX300 ពណ៌.ស ពាក់ស្លាកលេខភ្នំពេញ 2V-7776 ។
បើតាមសាក្សីដែលឃើញហេតុការណ៍ឱ្យដឹងថា មុនពេលកើតហេតុ គេឃើញរថយន្តបង្កបើកតាមបណ្តោយផ្លូវព្រះនរោត្តម ក្នុងទិសដៅពីត្បូងទៅជើង ពេលដែលជិះមកដល់រង្វង់មូលវត្តភ្នំ រថយន្តបំរុងបត់ស្តាំ តែដោយសារអ្នកបើកស្រវឹងពេក រថយន្តមិនបានបត់ទេ បែរជាបើកត្រង់ឡើងលើរង្វង់មូលវត្តភ្នំ និងបុកដើមគគីតែម្តង ។
បើតាមប្រភពមួយទៀតបានខ្សឹបប្រាប់ថា ពេលដែលកំពុង បើកបរនោះដោយសារតែអ្នកបើកបររវល់ចុចទូរស័ព្ទ និងដោយសារតែភាពស្រវឹងផងនោះទើបធ្វើអោយ ម្ចាស់រថយន្តបត់ស្តាំមិនទាន់ក៏ជ្រុលទៅបុកដើមឈើតែម្តងទៅ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ