ខេត្តស្វាយរៀង ៖ ភ្លៀងខ្យល់កន្ត្រាក់បណ្តាលឱ្យផ្ទះចំនួន០២ខ្នងដួលរលំរាបដល់ដី និងខូចខាតសម្ភារមួយចំនួន កាលពីវេលាម៉ោង០៤ និង៥០នាទីរសៀលថ្ងៃទី២៨ កក្កដា ២០១៥ ស្ថិតនៅចំណុចភូមិបន្ទាយក្រាំង ឃុំបន្ទាយក្រាំង ស្រុកកំពង់រោទ៍ ខេត្តស្វាយរៀង។
បើតាមសមត្ថកិច្ចឃុំបន្ទាយក្រាំងបានឱ្យដឹងថា នៅល្ងាចនោះមានភ្លៀងផ្គររន្ទះលាយឡំនឹងខ្យល់កន្ត្រាក់យ៉ាងខ្លាំង ធ្វើឱ្យរលំទី១- ផ្ទះមានទំហំ៦ម៉ែត្រគុណ ៤ម៉ែត្រ ជារបស់ឈ្មោះចាន់ ម៉ាឡៃ ភេទប្រុស អាយុ៣០ឆ្នាំ ទី២-ផ្ទះ៨ម៉ែត្រ គុណ៦ម៉ែត្រ របស់ឈ្មោះ ទេព នាន់ ភេទប្រុស អាយុ៦៦ឆ្នាំ ហើយសម្ភារមានការខូចខាតមួយចំនួន និងខូចខាតអង្ករ ព្រមទាំងស្រូវផងដែរ ។
ទោះជាយ៉ាងណា ក្នុងហេតុការណ៍នោះ មិនបណ្តាលឱ្យប៉ះពាល់ដល់អាយុជីវិតមនុស្ស និងសត្វទេ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ