ខេត្តស្ទឹងត្រែង ៖ កាលពីព្រឹកថ្ងៃទី២៨ កក្តដា ២០១៥ កម្លាំងនគរបាលនៃការរិយាល័យព្រហ្មទណ្ឌកម្រិតស្រាលបានបញ្ជូនជនសង្ស័យម្នាក់ទៅកាន់សាលាដំបូងខេត្ត បន្ទាប់ពីមានការពាក់ព័ន្ធនឹងការលួចទូរស័ព្ទដៃ
ខេត្តស្ទឹងត្រែង ៖ កាលពីព្រឹកថ្ងៃទី២៨ កក្តដា ២០១៥ កម្លាំងនគរបាលនៃការរិយាល័យព្រហ្មទណ្ឌកម្រិតស្រាលបានបញ្ជូនជនសង្ស័យម្នាក់ទៅកាន់សាលាដំបូងខេត្ត បន្ទាប់ពីមានការពាក់ព័ន្ធនឹងការលួចទូរស័ព្ទដៃរបស់អ្នកភូមិមួយគ្រឿងយកទៅលក់នៅផ្សារស្ទឹងត្រែង កាលពីរសៀលថ្ងៃទី២៧ កក្កដា។
មន្ត្រីនគរបាលនៃការិយាល័យព្រហ្មទណ្ឌកម្រិតស្រាលនៃស្នងការដ្ឋានគរបាលខេត្តស្ទឹងត្រែងបានឲ្យដឹងថា ជនសង្ស័យមានឈ្មោះសល់ កាន់យ៉ា ភេទប្រុស អាយុ៣០ឆ្នាំ មុខរបរមិនពិតប្រាកដ ស្នាក់នៅបណ្តោះអាសន្នភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែង ត្រូវកម្លាំងនគរបាលព្រហ្មទណ្ឌកម្រិតស្រាលចាប់ខ្លួននៅចំណុចខាងជើងផ្សារក្រុងស្ទឹងត្រែង ខណៈយកទូរស័ព្ទមួយគ្រឿងលក់នៅតូបលក់ទូរស័ព្ទ។
ប្រភពព័ត៌មាននៅកន្លែងកើតហេតុឲ្យដឹងថា មុនពេលកើតហេតុគ្រួសារជនរងគ្រោះកំពុងមមាញឹកក្នុងការលក់ដូរ ជនសង្ស័យបានឆ្លៀតឱកាលលួចទូរស័ព្ទដៃម៉ាកអាយហ្វូន៥S នៅក្នុងបន្ទប់ ដែលម្ចាស់មិនបានបិទបង្អួច។
ដោយមានការសង្ស័យពីសំណាក់គ្រួសាររងគ្រោះ និងបាត់ទូរស័ព្ទដៃក៏បានប្តឹងទៅនគរបាលព្រហ្មទណ្ឌតាមស្វែងរកប្រទះឃើញជនសង្ស័យកំពុងចរចាលក់ទូរស័ព្ទដៃនៅតូបលក់ទូរស័ព្ទដៃខាងជើងផ្សារស្ទឹងត្រែងទើបធ្វើការឃាត់ខ្លួនតែម្តង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ