ខេត្តបន្ទាយមានជ័យ ៖ ទៀនព្រះវស្សា គ្រឿងបរិក្ខា រួមទាំងបច្ច័យជាអំណោយរបស់លោកកែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ជាប្រធានក្រុមការងារថ្នាក់ជាតិចុះពង្រឹងខេត្តបន្ទាយមានជ័យ និងលោកជំទាវ ត្រូវបានលោកឧត្តមសេនីយ៍ត្រីអាត់ ខែម ស្នងការនគរបាលខេត្តបន្ទាយមានជ័យ ជាអនុប្រធានក្រុមការងារខេត្ត ចុះពង្រឹងស្រុកស្វាយចេក រួមទាំងសហការរី នាំយកទៅប្រគេនដល់ព្រះសង្ឈ ដែលគង់ចាំព្រះវស្សាក្នុងពុទ្ធសីមា វត្តចំនួន២៤ ក្នុងស្រុកស្វាយចេក ។
នៅក្នុងឱកាសនោះដែរ ក៏មានពិធិសូត្រមន្តជយន្តោប្រោសព្រហ្មរំលឹកដល់គុណបុណ្យព្រះរតនៈត្រៃ បួងសួងសុំសេចក្តីសុខ សេចក្តីចម្រើន និង ឧទ្ទិសកុសលជូនដល់បុព្វការីជន មានមាតា បិតា ជីដូនជីតា ញាតិទាំង៧សណ្តានដែលបានចែកឋានទៅបរលោក រួមទាំងយុទ្ធជន យុទ្ធនារី ដែលបានពលី ក្នុងបុព្វហេតុជាតិមាតុភូមិផងដែរ។
លោកឧត្តមសេនីយ៍ស្នងការបានបញ្ជាក់ថា ទេយ្យទាន គ្រឿងបរិក្ខា ទៀនព្រះវស្សា និងបច្ច័យ ដែលលោក រួមនិងសហការីនាំយកមកប្រគេនដល់ព្រះសង្ឈទាំង២៤វត្តក្នុងស្រុកស្វាយចេក នាឱកាសនេះ គឺជាអំណោយរបស់លោកមកែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ និងលោកជំទាវ ដើម្បីលើកស្ទួយនូវវិស័យព្រះពុទ្ធសាសនា ពិសេសដើម្បីផ្គត់ផ្គង់ដល់ព្រះសង្ឈ ដែលចូលកាន់ព្រះវស្សាក្នុងរយៈពេល៩០ថ្ងៃ តាមព្រះឱវាទ ដែលក្នុងមួយវត្តទទួលបានទៀនព្រះវស្សា១គូ, ស្លាដក់១ធុង, ទឹកបរិសុទ្ធ២យួរ, ទឹកក្រូច១កេស, ទឹកត្រី២យួរ, ទឹកស៊ីអ៊ីវ២យួរ, ព្រះសង្ឈ២៤អង្គ ក្នុង១អង្គ២ម៉ឺនរៀល និងប្រជាពលរដ្ឋ តាជី យាយជី ជាងធ្វើព្រះវិហារ សរុប៨០នាក់ ម្នាក់ថវិកា៥ពាន់រៀល និងក្រុមភ្លេងកុមារក្នុងសហគមន៍ចំនួ២០ម៉ឺនរៀល រួមទាំងអាជ្ញាធរឃុំ២នាក់ ម្នាក់៤ម៉ឺនរៀលផងដែរ៕
ចែករំលែកព័តមាននេះ