រាជធានីភ្នំពេញ ៖ គណៈគ្រប់គ្រងមជ្ឈមណ្ឌលហ្វឹកហ្វឺនកងទ័ពជើងគោក ចុះត្រួតពិនិត្យ ការហ្វឹកហាត់យុទ្ធវិធីថ្មើរជើង របស់សិក្ខាកាមវគ្គបណ្ដុះបណ្ដាល នាយទាហានរងជាន់ខ្ពស់ ជំនាន់ទី ១២។ ក្នុងឱកាសចុះត្រួតពិនិត្យ…
រាជធានីភ្នំពេញ ៖ គណៈគ្រប់គ្រងមជ្ឈមណ្ឌលហ្វឹកហ្វឺនកងទ័ពជើងគោក ចុះត្រួតពិនិត្យ ការហ្វឹកហាត់យុទ្ធវិធីថ្មើរជើង របស់សិក្ខាកាមវគ្គបណ្ដុះបណ្ដាល នាយទាហានរងជាន់ខ្ពស់ ជំនាន់ទី ១២។
ក្នុងឱកាសចុះត្រួតពិនិត្យ ឧត្តមសេនីយ៍ទោ ពេជ សំអុន នាយករង មជ្ឈមណ្ឌលហ្វឹកហ្វឺនកងទ័ពជើងគោក ទទួលបន្ទុកការងារហ្វឹកហ្វឺន បានណែនាំ និងផ្តល់មតិផ្តាំផ្ញើបំពេញបន្ថែម មួយចំនួនទៀត ដល់សិក្ខាកាម និងយោធាចារ្យ រួមទាំងលើកសរសើរពីសមត្ថភាព របស់យោធាចារ្យ និងសិក្ខាកាម ក្នុងការបំពេញតួនាទី និងបេសកកម្ម របស់ខ្លួន ទទួលបានលទ្ធផលល្អប្រសើរ ជោគជ័យ នឹងអនុវត្តទៅតាមកម្មវិធីរបស់ មជ្ឈមណ្ឌលហ្វឹកហ្វឺនកងទ័ពជើងគោក បានដាក់ចុះ។
ឧត្តមសេនីយ៍ទោ ពេជ សំអុន បានបន្តទៀតថា យោធិននៃកងយោធពលខេមរភូមិន្ទ ចាំបាច់ត្រូវតែធ្វើការហ្វឹកហាត់ជាប្រចាំ ទាំងចំណេះដឹង ចំណេះធ្វើ បទពិសោធន៍ថ្មីៗ និងរួមចំណែកក្នុងការកសាងជាតិ ជាខឿនការពារជាតិយ៉ាងសំខាន់ផងដែរ។
លោកក៏បានសង្កត់ធ្ងន់ទៀតថា សិក្ខាកាមទាំងអស់ត្រូវតែយកចិត្តទុកដាក់ សិក្សារៀនសូត្រ ស្វែងយល់ ពីព័ត៌មានវិទ្យាទំនើបៗបន្តទៀត ដើម្បី ឆ្លើយតបនឹងសភាពការណ៍បច្ចុប្បន្ន និងថ្ងៃអនាគត ក៏ដូចជាការអភិវឌ្ឍន៍ ផ្នែកចំណេះដឹងព័ត៌មានវិទ្យាឱ្យរឹតតែ មានប្រសិទ្ធភាពឡើងមួយកម្រិតទៀត។
សូមបញ្ជាក់ថា ឧត្តមសេនីយ៍ទោ ពេជ សំអុន នាយករង មជ្ឈមណ្ឌលហ្វឹកហ្វឺនកងទ័ពជើងគោក ទទួលបន្ទុកការងារហ្វឹកហ្វឺន នារសៀលថ្ងៃទី១៨ ខែមករា ឆ្នាំ២០២១ បានអញ្ជើញចុះត្រួតពិនិត្យការហ្វឹកហាត់ជាក់ស្តែង លើមេរៀនយុទ្ធវិធីថ្មើរជើង របស់សិក្ខាកាមវគ្គបណ្ដុះបណ្ដាល នាយទាហានរងជាន់ខ្ពស់ ជំនាន់ទី១២ ដោយមានការចូលរួមនាយទាហានជាច្រើនរូបទៀត៕ (កែសម្រួលដោយ ៖ ធីតា)
ចែករំលែកព័តមាននេះ