ប្រទេសវៀតណាម ៖ តាមបណ្ដាក្រុមការពារសិទ្ធិពលរដ្ឋ បណ្ដាសកម្មជននិងបណ្ដាទិន្នន័យប្រមូលបានដោយរ៉យទ័រថា ខណៈបក្សកុំមុយនីស្តវៀតណាម ដែលកាន់អំណាចកំពុងរៀបចំធ្វើ្វ
នាសប្ដាហ៍នេះនូវសមាជសំខាន់ពុំធ្លាប់មានចាប់តាំងពីច្រើនឆ្នាំមកហើយ បណ្ដាមេដឹកនាំវៀតណាមបានបង្កើនការគាបសង្កត់លើពួកប្រឆាំង ។
មុនសមាជនោះរបស់បក្សកុំមុយនីស្តវៀតណាម ដែលរៀបចំធ្វើរៀងរាល់៥ឆ្នាំម្ដង ដើម្បីកំណត់ពីបណ្ដាមាគ៌ានយោបាយជាតិធំៗ អាជ្ញាធរវៀតណាមបានចាប់ឃុំឃាំងសកម្មជននយោបាយច្រើននាក់រយៈពេលប៉ុន្មានឆ្នាំចុងក្រោយនេះដោយអ្នកខ្លះត្រូវជាប់គុកយូរឆ្នាំ ហើយបង្កើនយុទ្ធនាការគាបសង្កត់ប្រឆាំងពួកសកម្មជន ។ ការគាបសង្កត់ទាំងនោះបង្ខំឲ្យអង្គការក្រៅរដ្ឋាភិបាលមួយចំនួន និងបណ្ដាសមាជិកសភា ចោទសួរលើលទ្ធភាពរំលោភបំពានមួយរបស់វៀតណាម ចំពោះស្មារតីនៃបណ្ដាកិច្ចព្រមព្រៀងពាណិជ្ជកម្ម ដែលចុះហត្ថលេខាជាមួយបណ្ដាប្រទេសលោកខាងលិច ដែលកិច្ចព្រមព្រៀងទាំងនោះ នាំឲ្យប្រទេសអាសីុអាគ្នេយ៍នោះក្លាយជាមហាអំណាចពាណិជ្ចកម្មមួយក្នុងតំបន់ ។
លោក NGUYEN QUAND អ្នកប្រឆាំងនឹងក្រុងហាណូយម្នាក់តាំងពីយូរមកហើយអះអាងថា ខ្ញុំត្រូវប៉ូលិសហៅសួរចម្លើយជាច្រើនលើក ចាប់តាំងពីថ្ងៃទី៩ ធ្នូ ឆ្នាំ២០២០មក ។ លោកបដិសេធមិនផ្ដល់ភាពលម្អិតដោយគ្រាន់តែគូសបញ្ជាក់ថា លោកជាកម្មវត្ថុនៃការស៊ើបអង្កេតមួយដែលកំពុងធ្វើ ។ ដោយលើកពីការទាក់ទងជាមួយពួកសកម្មជនដទៃៗទៀត លោក NGUYEN QUAND និយាយប្រាប់រ៉យទ័រថា ក្រសួងសន្តិសុខរយៈពេលប៉ុន្មានសប្ដាហ៍ចុងក្រោយនេះបានកោះហៅបណ្ដាអ្នកប្រឆាំងដទៃៗ
ទៀតដោយមិនប្រាប់ពីមូលហេតុឡើយ ។ ប៉ូលិសបានរកហេតុផលនានា ដើម្បីអាចកាត់ទោសពួកគេយោងទៅតាមច្បាប់ព្រហ្មទណ្ឌ ។ បែបនោះជាការបំពានច្បាប់ទាំងស្រុង តែអាជ្ញាធរបានប្រើវិធីនោះជាញឹកញាប់ ។
វៀតណាមក្នុងខែនេះរងការរិះគន់នានារបស់សហគមន៍អន្តរជាតិដោយសារការកាត់ទោសអ្នកកាសែតឯករាជ្យ៣នាក់ដាក់គុកច្រើនឆ្នាំ ដោយចោទពួកគេថា ផ្សាយបណ្ដាការឃោសនាប្រឆាំងរដ្ឋ ។ ក៏ទោះបីមានការកែទម្រង់ខាងសេដ្ឋកិច្ចនិងការបើកចំហចំពោះការផ្លាស់ប្ដូរសង្គម តែបក្សកុំមុយនីស្តវៀតណាមនៅរក្សាការត្រួតពិនិត្យលើបណ្ដាសារព័ត៌មានហើយអត់ឱនតិចណាស់ដល់ការរិះគន់នានា ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ