វាពុំមានអ្វីគួរឲ្យភ្ញាក់ផ្អើលឡើយចំពោះការ ឈ្វេងយល់ពីលទ្ធភាពអាចមើលឃើញ និងរាល់កត្តានៃការថយចុះក្នុងញាណរបស់មនុស្សស្របទៅតាមវ័យ ។ នៅពេលលោកអ្នកស្ថិតក្នុងបឋមវ័យការបើកបរនាពេលយប់ងងឹត
វាពុំមានអ្វីគួរឲ្យភ្ញាក់ផ្អើលឡើយចំពោះការ ឈ្វេងយល់ពីលទ្ធភាពអាចមើលឃើញ និងរាល់កត្តានៃការថយចុះក្នុងញាណរបស់មនុស្សស្របទៅតាមវ័យ ។ នៅពេលលោកអ្នកស្ថិតក្នុងបឋមវ័យការបើកបរនាពេលយប់ងងឹត ឬពេលផ្ទៃមេឃចុះអ័ព្ទ និងភ្លៀងធា្លក់គឺមិនមែនជាបញ្ហាចោទឡើយ តែផ្ទុយទៅវិញបើជាអ្នកមានវ័យរាងចាស់បន្តិចទៅហើយអ្នកប្រាកដជាជួបការលំបាកបន្តិចនៅក្រោមលក្ខខណ្ឌផ្លូវមិនអំណោយផល ។
ខាងក្រោមនេះសូមណែនាំពីកិច្ចការដែលគួរអនុវត្តដើម្បីបង្កើនលទ្ធភាពអាចមើលឃើញឧបសគ្គ ខណៈពេលមេឃកំពុងភ្លៀងដូចតទៅ៖
១-ដាក់ទឹកថ្នាំជូតកញ្ចក់ដែលមិនជ្រាបទឹកភ្លៀងចូលទៅនឹងផ្លិតទឹកដើម្បីធ្វើឲ្យប្រសើរឡើងនូវលទ្ធភាពអាចមើលឃើញបានច្បាស់ក្នុងពេលបើកបរមេឃកំពុងធា្លក់ភ្លៀងជាពិសេសពេលយប់ ព្រោះថាទឹកថ្នាំនេះការពារការដក់ជាប់នៃតំណក់ទឹកលើកញ្ចក់ហើយវាក៏ត្រូវបានជូតសម្អាតបន្តដោយផ្លិតទឹកតែម្តង ។
២-ផ្លាស់ប្តូរផ្លិតទឹកយ៉ាងហោចក៏មួយឆ្នាំម្តងដែរ ដើម្បីបង្កើនភាពមើលឃើញឧបសគ្គកាន់តែច្បាស់ក្នុងស្ថានភាពមេឃកំពុងធា្លក់ភ្លៀង ។ ខណៈលោកអ្នកចតរថយន្តនៅហាលខ្យល់ហាលភ្លៀងជារឿយៗ ជាធម្មតាអ្នកគួរតែផ្លាស់ប្តូរផ្លិតទឹកឲ្យបានញឹកញាប់បន្តិច ។ ក្នុងនោះក៏ត្រូវច្បាស់ក្នុងចិត្តថា លោកអ្នកបានប្រើប្រាស់ផលិតផលដែលមានគុណភាពខ្ពស់ និងមានប្រសិទ្ធភាពដូចខាងក្រោម៖
-ជម្រះចេញនូវតំណក់ទឹកដែលមិនជ្រាបនៅលើផ្លិតទឹករថយន្ត ឬក៏ជ្រើសរើសយកផលិតផលណាដែលមានគុណភាពខ្ពស់ប្រើប្រាស់បានយូរអង្វែងជាងផលិតផលទូទៅ ។
-គួរពិចារណាទៅលើគូរបស់វា(ផ្លិតទឹក)ថាតើមានប្រតិបត្តិការ ឬផ្តល់នូវសម្ពាធដូចគ្នាទាំងសងខាងឬអត់ ។ ព្រោះថាកត្តានេះបើមានម្ខាងណាអសកម្មជាង នោះប្រាកដជានាំឲ្យនាទីជម្រះតំណក់ទឹកលើកញ្ចក់រថយន្តមិនបានល្អឡើយ ។
-គួរគិតទៅលើភាពអាចបត់បែនឬប្រើបានច្រើនរបៀបនៃផ្លិតទឹកមានន័យថា មានសមត្ថភាពទាំងក្នុងលក្ខខណ្ឌមេឃភ្លៀង មេឃត្រជាក់ជាដើម ។ ពោលគឺផ្លិតទឹកដែលអ្នកបម្រុងនឹងទិញចាំបាច់ត្រូវប្រតិបត្តិការបានយ៉ាងល្អ ។
៣-ពិនិត្យមើលភ្លើងមុខរថយន្តថាតើវាបញ្ចេញពន្លឺភ្លឺច្បាស់ឬអត់ ។ មានពេលខ្លះភ្លើងមុខរថយន្តដែលមានរាងស្រអាប់ហួសនឹងថ្លែងទៅហើយគឺវាអាចកាត់បន្ថយភាពមើលឃើញឧបសគ្គរបស់អ្នក ។
៤-សង្កេតមើលទៅលើកញ្ចក់កែវនៃភ្លើងមុខ ។ ប្រសិនជាវាហាក់ដូចជាមិនភ្លឺថ្លានិងក្រខ្វក់នោះ ចូរសម្អាតវាឲ្យបានស្អាតដើម្បីបង្កើនលទ្ធភាពអាចមើលឃើញច្បាស់ក្នុងពេលមេឃភ្លៀង ។
៥-ប្រើប្រាស់ភ្លើងកូតធម្មតាក្នុងពេលមេឃកំពុងធ្លាក់ភ្លៀងដើម្បីធ្វើឲ្យអ្នកងាយមើលឃើញទិដ្ឋភាពខាងមុខនិងដើម្បីធានាបានថាអ្នកប្រើប្រាស់ផ្លូវដទៃគឺអាចមើលឃើញរថយន្តអ្នក ។
៦-សារេកញ្ចក់មើលក្រោយនិងចំហៀងឆ្វេង-ស្តាំឲ្យបានត្រឹមត្រូវ ។ ត្រូវច្បាស់ថាអ្នកប្រើប្រាស់សម្រាប់ទាំងពេលថ្ងៃនិងពេលយប់ដោយពឹងផ្អែកទៅតាមការមើលទីតាំងតាមរយៈកញ្ចក់មើលក្រោយ ។
៧-បន្ថយល្បឿនខណៈពេលកំពុងបើកបរពេលភ្លៀង ។ ការធ្វេសប្រហែសនៅរាល់សកម្មភាពដែលអ្នកធ្វើឲ្យប្រសើរឡើងក្នុងពេលមេឃភ្លៀងគឺជារឿងសំខាន់មួយនៅក្នុងការកាត់បន្ថយល្បឿនលើស្ថានភាពផ្លូវរអិលឬសើម ។
៨-បើកភ្លើងហ្វា-កូតឆ្លាស់ចុះឡើងជាបន្ទាន់ដើម្បីដាស់ស្មារតីដល់អ្នកប្រើប្រាស់ផ្លូវផ្សេងទៀតបានដឹង ហើយខណៈនោះលោកអ្នកគួរបើករថយន្តអែបរកទីសុវត្ថិភាពមួយពេលអ្នកមើលមិនសូវឃើញច្បាស់ និងរក្សាទីតាំងរថយន្តក្នុងគន្លងផ្លូវខាងស្តាំជានិច្ច ៕
ចែករំលែកព័តមាននេះ