រាជធានីភ្នំពេញ ៖ គ្រោះថ្នាក់ចរាចរណ៍ក្នុងឱកាសបុណ្យចូលឆ្នាំប្រពៃណីជាតិនាឆ្នាំ២០១០នេះ នៅទូទាំងប្រទេសមានការកើនឡើង បើប្រៀបធៀបទៅនឹងឆ្នាំ២០០៩ ក្នុងនោះអ្នករបួសធ្ងន់-ស្រាលមានការកើនឡើង ប៉ុន្ដែចំនួនអ្នកស្លាប់បានថយចុះ ។ ក្រុមមន្ដ្រីប៉ូលិសចរាចរឱ្យដឹងថា គ្រោះថ្នាក់ភាគច្រើនកើតឡើងដោយសារតែការបើកបរលឿន។លោកឧត្ដមសេនីយ៍ត្រី ហ៊ឹម យ៉ាន ប្រធាននាយកដ្ឋាននគរបាលសណ្ដាប់ធ្នាប់ ក្រសួងមហាផ្ទៃបានឱ្យកោះសន្ដិភាពដឹងតាមទូរស័ព្ទថា នៅក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ពីថ្ងៃទី១៣ ខែមេសា ដល់ ថ្ងៃទី១៧ ខែមេសា ឆ្នាំ២០១០ នៅទូទាំងប្រទេសមានគ្រោះថ្នាក់ចរាចរណ៍កើតឡើង ចំនួន២៥៤លើក បណ្ដាលឱ្យមនុស្សស្លាប់ ចំនួន៤៩នាក់ របួសធ្ងន់២៩៦នាក់ របួសស្រាល២៣៤នាក់ ។ ចំនួនគ្រោះថ្នាក់ និងចំនួនអ្នករបួសខាងលើនេះ បើប្រៀបធៀប ទៅបុណ្យចូលឆ្នាំថ្មីកាលពី២០០៩ ឃើញមានការកើនឡើងតែចំនួនជនរងគ្រោះដល់ស្លាប់បានថយចុះ ។ គ្រោះថ្នាក់ចរាចរណ៍នៅក្នុងឱកាសបុណ្យចូលឆ្នាំថ្មី២០០៩មានចំនួន២៤០លើក ស្លាប់ចំនួន៥២នាក់ របួសធ្ងន់២៣៣នាក់ របួសស្រាលចំនួន២២៤នាក់ ។
លោកប្រធាននាយកដ្ឋាននគរបាល សណ្ដាប់ធ្នាប់បានបញ្ជាក់ថា គ្រោះថ្នាក់ខាងលើបណ្ដាលឱ្យខូចខាតម៉ូតូចំនួន៣២២គ្រឿង រថយន្ដតូចចំនួន៥៤គ្រឿង រថយន្ដធំ ចំនួន៣១គ្រឿង ហើយគ្រោះថ្នាក់ភាគច្រើន កើតឡើងដោយសារអ្នកបើកបរបើកក្នុង ល្បឿនលឿនមាន៥០ភាគរយ អ្នកបើកបរ ធ្វេសប្រហែសចំនួន២៥ភាគរយ អ្នកបើកបរ ផឹកជាតិស្រវឹងចំនួន១៤ភាគរយ។ ក្រៅពី នោះមានកត្ដាផ្សេងៗទៀតដែលបណ្ដាលឱ្យ កើតគ្រោះថ្នាក់ចរាចរណ៍ ដូចជាដោយសារ ផ្លូវដីហុយ ភ្លៀងធ្លាក់ ផ្លូវរអិល មាននៅខេត្ដកំពត។ ចំណែកនៅខេត្ដបាត់ដំបងឆ្នាំនេះ មានមនុស្សស្លាប់ច្រើន និងខេត្ដកំពង់ចាមក៏មានមនុស្សរបួសធ្ងន់ច្រើនផងដែរ។លោកបន្ដថា ទោះបីជាយ៉ាងណាក្ដីនៅក្នុង ឱកាសបុណ្យចូលឆ្នាំថ្មីប្រពៃណីជាតិឆ្នាំនេះ មានសភាពល្អប្រសើរជាងឆ្នាំមុនដោយសារ ក្រសួងមហាផ្ទៃបានធ្វើការផ្សព្វផ្សាយអប់រំ កម្មវិធីចរាចរណ៍តាមរយៈវិទ្យុ ទូរទស្សន៍ ឆាកកំប្លែង ចំរៀងអាយ៉ៃដើម្បីឱ្យអ្នកបើក បរយានយន្ដគ្រប់ប្រភេទមានការយល់ដឹងពី គ្រោះថ្នាក់ចរាចរណ៍។ មានការផ្សព្វផ្សាយ ដល់អ្នកបើកបរម៉ូតូត្រូវតែពាក់មួកការពារ សុវត្ថិភាព ដាក់កញ្ចក់មើលក្រោយជាដើម។
ជាមួយគ្នានេះដែរ សមត្ថកិច្ចនគរបាលចរា ចរផ្លូវគោកបានដោះបាហ្គារថយន្ដឈ្នួលចំនួន ៣០គ្រឿង និងបានពិនិត្យបច្ចេកទេសយាន យន្ដ ។ នៅឆ្នាំនេះគ្រោះថ្នាក់តាមផ្លូវទឹកពុំ មានកើតឡើងទេ ។ដោយឡែកនៅរាជធានីភ្នំពេញក្នុង ឱកាសបុណ្យចូលឆ្នាំថ្មីប្រពៃណីជាតិខ្មែរនេះ ដែរ លោកវរសេនីយ៍ប៉ែន ឃុន អនុប្រធាន ការិយាល័យនគរបាលចរាចរផ្លូវគោកនៃស្នង ការដ្ឋាននគរបាលរាជធានីភ្នំពេញបានឱ្យដឹង ថា រយៈពេលចាប់ពីថ្ងៃទី១៣ ខែមេសា ដល់ ថ្ងៃទី១៧ ខែមេសា ឆ្នាំ២០១០ នៅរាជ ធានីភ្នំពេញមានគ្រោះថ្នាក់ចរាចរណ៍កើត ឡើងចំនួន៦លើកបណ្ដាលឱ្យមនុស្សស្លាប់ ម្នាក់ របួសធ្ងន់ចំនួន៣នាក់ របួសស្រាលចំនួន ១១នាក់ ខូចខាតម៉ូតូចំនួន៧គ្រឿង និងរថ យន្ដចំនួន៣គ្រឿង ។នៅរាជធានីភ្នំពេញបើប្រៀបធៀបចំនួន គ្រោះថ្នាក់ និងចំនួនអ្នករបួសទៅនឹងបុណ្យ ចូលឆ្នាំខ្មែរ ឆ្នាំ២០០៩ ឃើញមានការថយចុះច្រើន ។ គ្រោះថ្នាក់ចរាចរណ៍កាលពីឆ្នាំ ២០០៩មាន ចំនួន១១លើក ស្លាប់ចំនួន៥ នាក់ របួសធ្ងន់ចំនួន១០នាក់ របួសស្រាល ចំនួន១៣នាក់ ។
ចែករំលែកព័តមាននេះ