នៅក្នុងមង្គលសូត្រទាំង៣៨ប្រការក្នុងនោះ ការមិនសេពគប់នូវពាលទាំងឡាយក្នុងប្រការទី១ដែលលោកចាត់ថាជាមង្គលដ៏ឧត្តមបំផុតដូចព្រះសម្មាសម្ពុទ្ធបានសម្ដែងថា អសេវនា ច ពាលានំជាដើម ។ បុគ្គលពាលរួមនៅត្រឹមតែ៣ពូកប៉ុណ្ណោះគឺ ៖ ១- បុគ្គលល្ងង់ខ្លៅ…
នៅក្នុងមង្គលសូត្រទាំង៣៨ប្រការក្នុងនោះ ការមិនសេពគប់នូវពាលទាំងឡាយក្នុងប្រការទី១ដែលលោកចាត់ថាជាមង្គលដ៏ឧត្តមបំផុតដូចព្រះសម្មាសម្ពុទ្ធបានសម្ដែងថា អសេវនា ច ពាលានំជាដើម ។ បុគ្គលពាលរួមនៅត្រឹមតែ៣ពូកប៉ុណ្ណោះគឺ ៖
១- បុគ្គលល្ងង់ខ្លៅ គ្មានគំនិត ប្រាជ្ញា ហើយមិនគិតកសាងសមត្ថភាពនិងគំនិតប្រាជ្ញា ជាបុគ្គលរីករាយក្នុងភាពល្ងង់ខ្លៅ មិនស្តាប់ដំបូន្មានលោកអ្នកប្រាជ្ញ ឬចាស់ព្រឹទ្ធាចារ្យ ចាត់ទុកជាបុគ្គលពាលជំពូកមួយ ដោយហេតុធ្វើខ្លួនឱ្យជាបុគ្គលមិនមានប្រយោជន៍ ឬធ្វើខ្លួនឱ្យបាត់បង់ឱកាសក្នុងការសាងគុណតម្លៃក្នុងពេលដែលខ្លួនមានឱកាសកើតជាមនុស្ស ។
២- បុគ្គលស្វែងរកសេចក្តីសុខ ឬប្រយោជន៍ខ្លួនឯងដោយការធ្វើឱ្យខូចប្រយោជន៍អ្នកដទៃ ខូចសេចក្តីសុខអ្នកដទៃ ឬស្វែងរកសេចក្តីសុខឱ្យខ្លួនឯងដោយការបៀតបៀតសេចក្តីសុខអ្នកដទៃ ។
៣- បុគ្គលធ្វើឱ្យខូចប្រយោជន៍អ្នកដទៃផង និងប្រយោជន៍ខ្លួនឯងផង ។
បុគ្គលពាលបីពួកនេះ អ្នកណាចូលទៅសេពគប់មែនៗ ជននោះនឹងដល់នូវវិបត្តិក្នុងជីវិតដោយប្រការផ្សេងៗជាក់ជាមិនខាន ៕ សាន សារិន
ចែករំលែកព័តមាននេះ