រាជធានីភ្នំពេញ ៖ តាមសេចក្តីរាយការណ៍បានឱ្យដឹងថា បុរសម្នាក់សង្ស័យញៀនថ្នាំបានអារ.កខ្លួនឯងនឹងអំបែងដប ហើយរត់ចុះទៅស្លាប់ក្នុងទឹកបឹងកំប្លោក បង្កឱ្យមានការភ្ញាក់ផ្អើលកាលពីវេលាម៉ោង៤ និង២០នាទីរសៀល ថ្ងៃទី២២ កក្កដា ២០១៥ នៅចំណុចផ្លូវរទេះភ្លើង សង្កាត់បឹងកក់ទី១ ខណ្ឌទួលគោក។
បុរសខាងលើពុំត្រូវបានគេស្គាល់អត្តសញ្ញាណទេ មានអាយុប្រហែលជាង៣០ឆ្នាំ ត្រូវគេសង្ស័យថា ជាមនុស្សញៀនថ្នាំ។
តាមសន្តិសុខយាមនៅការដ្ឋានសំណង់ក្នុងតំបន់បឹងកក់បានឱ្យដឹងថា មុនពេលកើតហេតុគេឃើញបុរសរូបនោះដើរក្នុងដីឡូត៍តំបន់បឹងកក់ ហើយយកអំបែងដបអារ.កខ្លួនឯងឈាមហូរជោកអាវ ខណៈនោះសន្តិសុខបានដេញចេញពីដីឡូត៍ ស្រាប់តែមួយសន្ទុះក្រោយមកមានការភ្ញាក់ផ្អើលថា បុរសនោះរត់ចុះទៅស្លាប់ក្នុងបឹងកំប្លោក។
សន្តិសុខដដែលបន្តថា ភ្លាមៗនោះគេបាននាំគ្នាជួយសែងបុរសខាងលើឡើងមកលើគោកវិញបម្រុងដឹកទៅពេទ្យ តែបុរសនោះបានដាច់ខ្យល់ស្លាប់បាត់ទៅហើយ៕
ចែករំលែកព័តមាននេះ