សារព័ត៌មាន «ញូវអៃហ្វើង» របស់ចិនកាលពីពេល ថ្មីៗកន្លងមកផ្សាយថា លោកលី ជនជាតិចិនអាយុ៣៧ឆ្នាំ ត្រូវគេបោកបញ្ឆោតឱ្យចូលធ្វើការនៅក្នុងឡឥដ្ឋខុសច្បាប់មួយ ខណៈធ្វើដំណើរទៅរកការងារធ្វើនៅក្រុងអ៊ូរុមឈី
សារព័ត៌មាន «ញូវអៃហ្វើង» របស់ចិនកាលពីពេល ថ្មីៗកន្លងមកផ្សាយថា លោកលី ជនជាតិចិនអាយុ៣៧ឆ្នាំ ត្រូវគេបោកបញ្ឆោតឱ្យចូលធ្វើការនៅក្នុងឡឥដ្ឋខុសច្បាប់មួយ ខណៈធ្វើដំណើរទៅរកការងារធ្វើនៅក្រុងអ៊ូរុមឈី ខេត្តស៊ីនជាំងអុ៊យគ័រ នៅឆ្នាំ២០១៤ ។ នៅទីនោះ លោកលី ត្រូវថៅកែរឹបបអូសយកអត្តសញ្ញាណប័ណ្ណ ហើយបង្ខំឱ្យធ្វើការធ្ងន់ដោយមិនផ្តល់ប្រាក់កម្រៃទេ ។
ដោយស៊ូទ្រាំមិនបាន លោកលី ព្យាយាមគេចរួចចេញពីទីនោះ កាលពីខែមិថុនា ២០១៥ រួចធ្វើដំណើរដោយថ្មើរជើងឆ្ពោះទៅស្រុកកំណើតវិញនៅខេត្តគុយចូវ ព្រោះគ្មានប្រាក់ទិញសំបុត្ររថយន្ត ។ សំណាងល្អប៉ូលិសប្រទះឃើញ ខណៈលោកលីដើរអស់រយៈពេលជាង៣០ថ្ងៃ បានក្នុងចម្ងាយផ្លូវប្រមាណ១.៣០០គីឡូម៉ែត្រទៅដល់ក្រុងនីងសៀហ៊ុយ កាលពីថ្ងៃទី១០ កក្កដា។ ប៉ូលិសឱ្យដឹងថា លោកលីគ្មានវត្ថុអ្វីជាប់តាមខ្លួនទេ មានតែខោអាវមួយសម្រាប់ប៉ុណ្ណោះ ។
ប៉ូលិសបានជួយបុរសនោះដោយទិញសំបុត្រឱ្យធ្វើដំណើរតាមរថយន្តរហូតទៅដល់ផ្ទះ ។
ទីកន្លែងដែលប៉ូលិសជួយលោកលីនោះ គឺស្ថិតនៅឆ្ងាយពីស្រុកកំណើតប្រហែល១.២០០គីឡូម៉ែត្រឯណោះ ដូច្នេះបើគេបន្តធ្វើដំណើរដោយថ្មើរជើងមិនដឹងត្រូវចំណាយពេលប៉ុន្មានខែទៀតទេទើបដល់ ៕
ចែករំលែកព័តមាននេះ