ប្រទេសឥណ្ឌា ៖ យោងតាមព័ត៌មានផ្ដល់ដោយគ្រូពេទ្យម្នាក់ថា កូនង៉ែតដល់១០នាក់បានត្រូវបាត់បង់ជីវិតក្នុងអគ្គិភ័យមួយឆេះមន្ទីរពេទ្យសម្ភពមួយ ក្នុងរដ្ឋមហារាស្ត្រាឥណ្ឌាកាលពីថ្ងៃទី៩ ខែមករា ឆ្នាំ២០២១ ដែលនោះជាគ្រោះមហន្តរាយមួយនាំឲ្យគេមានការសង្ស័យលើសន្តិសុខនៅតាមបណ្ដាមន្ទីរពេទ្យឥណ្ឌា ។ គ្រូពេទ្យរូបនោះលោក…
ប្រទេសឥណ្ឌា ៖ យោងតាមព័ត៌មានផ្ដល់ដោយគ្រូពេទ្យម្នាក់ថា កូនង៉ែតដល់១០នាក់បានត្រូវបាត់បង់ជីវិតក្នុងអគ្គិភ័យមួយឆេះមន្ទីរពេទ្យសម្ភពមួយ ក្នុងរដ្ឋមហារាស្ត្រាឥណ្ឌាកាលពីថ្ងៃទី៩ ខែមករា ឆ្នាំ២០២១ ដែលនោះជាគ្រោះមហន្តរាយមួយនាំឲ្យគេមានការសង្ស័យលើសន្តិសុខនៅតាមបណ្ដាមន្ទីរពេទ្យឥណ្ឌា ។
គ្រូពេទ្យរូបនោះលោក PRAMOD KHANDATE គូសបញ្ជាក់ថា បណ្ដាបុគ្គលិកពេទ្យអាចជួយសង្គ្រោះកូនង៉ែត៧នាក់ នៅមន្ទីរពេទ្យស្រុកបានដារ៉ានាភាគកណ្ដាលប្រទេស តែមិនអាចជួយសង្គ្រោះកូនង៉ែត១០នាក់ទៀតបាន ។ បណ្ដាកូនង៉ែតដែលរងគ្រោះខ្លះមានអាយុទើបប៉ុន្មានថ្ងៃនិងខ្លះទៀតអាយុបាន៣ខែ ។ មូលហេតុនៃគ្រោះអគ្គិភ័យនោះនៅមិនទាន់ដឹងនៅឡើយ តែបណ្ដាបុគ្គលិកពេទ្យនាំគ្នាជួយពន្លត់ភ្លើងបានឆាប់ ។ ផ្សែងបណ្ដាលឲ្យក្មេងទាំងនោះពុលរហូតបាត់បង់ជីវិត។
តាមបណ្ដាបុគ្គលិកពេទ្យថា ភ្លើងចាប់ឆាបឆេះចេញពីផ្នែកមួយនៃមន្ទីរពេទ្យ ។ បណ្ដាអ្នកពន្លត់ភ្លើង អាចរារាំងមិនឲ្យភ្លើងឆេះរាលដាលទៅកាន់ផ្នែកដទៃៗទៀតនៃទីតាំងនោះ ។
តាម TWITTER នាយករដ្ឋមន្ត្រីឥណ្ឌា លោកណារេនដ្រាម៉ូឌីថ្លែងថា នោះជាសោកនាដកម្មដ៏រន្ធត់មួយនៅស្រុកបានដារ៉ារដ្ឋមហារាស្ត្រាកន្លែងដែលយើងបាត់បង់ក្មេងដ៏ថ្លៃថ្លារបស់យើងច្រើននាក់ ។ អាជ្ញាធរបានចេញបញ្ជាឲ្យស៊ើបអង្កេតជាបន្ទាន់ក្រោយសោកនាកម្មថ្មីនោះក្នុងមន្ទីរពេទ្យមួយ ។ ឥណ្ឌាកាលពីឆ្នាំ២០១១ជួបប្រទះគ្រោះអគ្គិភ័យដ៏ធំបំផុតមួយបណ្ដាលឲ្យមនុស្សបាត់បង់ជីវិតដល់ជាង៩០នាក់ ក្នុងមន្ទីរពេទ្យមួយនៅក្រុងកាល់គុតា ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ